Wikiversity
Somari
![]()
| ||
País | ![]() | |
Superfícia | 105 km² | |
Populacion | 1 580 909 (2006) | |
Latitud | 33° 30' N | |
Longitud | 36° 18' È | |
Localizacion de la ciutat en Siria | ||
---|---|---|
![]() |
Damasc (arabi: دِمَشق Dimašq, turc otoman: شام Shām), comunament nomenada en Siria Ash Sham (arabi:الشام, Ash Shām), o la Ciutat del jansemin (arabi: مدينة الياسمين, Madīnatu 'i Yāsmīn), es la capitala e la segonda pus granda vila de Siria e una de las 14 subdivisions del país. La suddivision de Damasc es dirigida per un governador nomenat per lo ministre de l'interior. En mai d'èsser una de las pus ancianas vilas del mond, Damasc es un centre cultural e religiós màger del Levant. La vila a una populacion estimada de 1 711 000 abitants (est. 2009)
Situada al sud-oèst de Siria, Damasc es lo centre d'un larg airal de 2,4 milions de personas (2004)[1]. Geograficament situada dins los relèus de la cadena montanhosa d'Antiliban a 80 km de la riba èst de la Mediterranèa dessubre un planòl a 680 m d'altitud, Damasc a un clima semiarid degut a l'ombra orografica. Lo riu Barada raja a Damasc.
Poblada dempuèi lo millenni II abC, foguèt causida per capitala del Califat Omeia entre 661 e 750. Après la victòria de la dinastia abbassida, lo sètge del poder islamic mudèt a Bagdad. Damasc vegèt un declin politic durant lo periòde abbassid, e reganhèt una importància significativa sonque dins los periòdes aiobid e Mameloc. Durant lo poder otoman, la ciutat declinèt mas en tot manténer un certan prestigi cultural. Uèi, es lo sèti del govèrn central e de totes los ministèris. Damasc foguèt causida coma capitala aràbia de la cultura 2008[2].
Lo gentilici es damasquin, -a.
Referéncias
- ↑ Burèu Central d'Estatistica de Siria Syria census 2004
- ↑ «دمشق عاصمة الثقافة العربية 2008».