Wikiversity

De Regge (ook wal 'n Oa) is nen rivier in Oaveriessel den as begint bie Landgood Westerflier bie Depenem en den oetkump in de Vechte bie Ommen. De rivier kan opedeeld worden in de boaven-Regge (Depenem-Riessen), Midden-Regge (Riessen-Heldern) en Beneden-Regge (Heldern-Ommen).

Bie Goor geet de Regge onder et Tweantekanaal duur.

In de Middeleeuwen heuren de Buursebekke ook bie de Regge bie an, wat doarmet ansleut op de Oa bie Oahoes. In et Twents wördt de Regge nog aait wal 'n Oa neumd, al geldt dat vuur meardere rivieren.

Um 'n handel vanoet Westfalen en Tweante op zik an te halen en doarmet Zutphen te oawertreffen, leut Deaventer in de 16e eeuwe de Skipbekke greaven. Tot 1925 wör der op de Regge voaren met zompen dee doarvuur in Enter emaakt wörden. Noa 1849 is de Regge kanaliseerd, umdat he earder aait oaverstreumen. Rechtevoort probeert ze de Regge et olde verloop wier te doon.

Archeoloog Waterbolk ^[1] meanen dat de Regge vrogger de benedenlöppe van de Berkel was en dat de benedenlöppe van de hudige Berkel feitelik de benedenlöppe van de Grolse Slinge is. De Slinge kump noo nöast Borklo oet in de Berkel zo as ze rechtevoort löp. In de middeleeuwen zol der dan ne oaverlöppe tussen de streumdallen van Berkel en Slinge emaakt wean tussen Hoarle en Borklo, woarmet een stukke van de Regge (Olde Berkel) dreugveel. De oorsprunkelike Berkel, van Eibarge via Hoarle noar Regge, zol dan de ofscheiding tussen Gelre en Tweante ewest wean.

Et vuurnaamste gebroek van de Regge was et vervoren van goderen met Enterse zompen. Onder andere bie de Pelmölle in Riessen wörden goderen inebracht. Rechtevoort doot ze der plezeertochten op organiseren, met flusterboten en niej ebouwde zompen.

In et Oaweriessels, Tweants en et Riessens volksleed wördt de Regge neumd:

Oaweriessels volksleed

Tweants volksleed

Riesns volksleed

• Twents: Oa, Regge
• Oawerig: Regge

• 
  De Regge in et zuudoosten van Enter
• 
  De Regge in de umgeving van de Kartelaarsdiek bie de A1
• 
  De Regge in de umgeving van Goor

• 
  In dreuge tieden köant ze water oet de Skipbekke bie in de Regge pompen
• 
  De bronnen van de Regge met rechts havezate Westerflier
• 
  Vistrappe bie de bronnen van de Regge
• 
  De Regge in de umgeving van Warmel (Depenem)

1. ↑ www.graafschap-middeleeuwen.nl

Commons: Regge - plaatjes, filmkes en/of gelüüdsbestanden.