Wikiversity
Inhaud
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](https://upload.wikimedia.org/wikipedia/commons/b/b8/LocatieGouda.png)
Gouda is 'n gemeinte en stad in de Nederlandse provincie Zuid-Holland, t'n ooste vaan Rotterdam en D'n Haog, in 't Greun Hart. Ze ligk aon de samevleujing vaan de Hollandsen IJssel en de Gouwe, boe-aon ze häöre naom dank. De stad had op 1 januari 2004 71.799 inwoeners, 't oppervlak besleit 18,11 km². Gouda ligk in e groet veengebeed en heet chronische probleme mèt verzakking door inklinking en watereuverlas.
Stadsfuncties
Gouda functioneert in tandem mèt Alphen aan den Rijn es regionaal verzörgingscentrum. Belaankrieker is evels 't toerisme en de traditioneel ambachte boerum Gouda bekind steit: de handel in kies en productie vaan boezjies en sjroepwaffele. Ouch noe nog is de handel in kies (die in de umgeving gemaak weurt) veurnaom, en Goudse kies is e begrip euver de ganse wereld.
Stadsbild
![](https://upload.wikimedia.org/wikipedia/commons/thumb/e/e8/Gouda_stadhuis_februari_2003.jpg/220px-Gouda_stadhuis_februari_2003.jpg)
Gouda ligk in e landsjap wat me dèks es "typisch Hollands" umsjrijf: greun weie mèt brei slote. De binnestad heet al dezelfde rippetatie: Bekind is de merret, mèt de renaissancewaog en 't gotisch stadhoes. Ouch heet de stad inkel historische haves en väöl monumentaal hoezer.
Historie
Op de plaots vaan 't huieg Gouda laog iewelaank e veengebeed. In de elfde en twelfde iew begós me dit veen te oontginne en bewoenber te make. Zoe weurt Gouda, nederzètting aon de Gouwe, veur 't iers in 1137 geneump. 't Moerasbos is daan al oontgonne en 't pläötske greujt in de dertiende iew oet tot 'n stad, zoetot 't in 1272 graof Floris V stadsrechte oetsjrijf. Groete stadsbrande in 1361 en 1438 belemmere de greuj mer weineg, meh nao de bezètting door de Geuze in 1572 en de pes-epidemie in 1602 raak de stad toch bij Rotterdam en Leie achterop. Roond 1750 is de bevolkig pas wier op 't aw niveau. Nao de Fransen tied weure de walmör aofgebroke en vint nog aonzienleke stadsoetbreiing plaots.
Extern linke
- Gemeinte Gouda
- Gouda Online, website mèt informatie euver Gouda.
![]() |
Commons: Gouda – Media gerelateerd aan dit óngerwerp |
![]() | |
---|---|
Alblasserdam · Albrandswaard · Alphen aan den Rijn · Barendrecht · Bodegraven-Reeuwijk · Capelle aan den IJssel · Delft · D'n Haag · Dordrech · Goeree-Overflakkee · Gorinchem · Gouda · Hardinxveld-Giessendam · Hendrik-Ido-Ambacht · Hillegom · Hoeksche Waard · Kaag en Braassem · Katwijk · Krimpen aan den IJssel · Krimpenerwaard · Lansingerland · Leiden · Leiderdorp · Leidschendam-Voorburg · Lisse · Maassluis · Midden-Delfland · Molenlanden · Nieuwkoop · Nissewaard · Noordwijk · Oegstgeest · Papendrecht · Pijnacker-Nootdorp · Ridderkerk · Rijswijk · Rotterdam · Schiedam · Sliedrecht · Teylingen · Vlaardingen · Voorne aan Zee · Voorschoten · Waddinxveen · Wassenaar · Westland · Zoetermeer · Zoeterwoude · Zuidplas · Zwijndrecht | |