Wikiversity
![]() Nenets es du linguas prosima relatada parlada en Rusia norde par la popla nenets. An si los es comun tratada como du dialetos de la mesma lingua, los es sufisinte diferente ce popla ci sola parla un no pote tipal comprende la otra. un de los es la nenets de tundra, con sirca 30,000 a 40,000 parlores en un area cual estende de la penisola Canin a la rio Ienesei. La otra es la nenets de la foresta, con sirca 1000 a 1500 parlores de la area sirca la rios Agan, Pur, Liamin, e Nadim. La linguas nenets es clasida en la familia de linguas uralica, cual sinifia ce los es distante relatada a linguas como suomi, esti, e magiar, e ance a otra linguas minor parlada en Rusia. Ambos de la linguas nenets ia es multe influeda par rusce. Nenets de la tundra ia es ance influeda par comi e canti norde. Nenets de la foresta ia es ance influeda par canti este. Nenets de la tundra es bon documentida, e ave la prestijia de un lingua nativa e minor en Rusia, e ave un tradision de leteratur comensante en la desenio 1930. Ma nenets de la foresta ia es scriveda prima en la desenio de 1990 e es sola poca documentida. Estra la parola "nenets", sola un otra parola nenets ia deveni comun en linguas grande: parca, la parola per sua jaca tradisional, longa e con capeta, fabricada de pel e, a veses, de pelo. Per plu, vade a Nenets (lingua) |
|
![]() Elefen ave otra locas importante a la rede, estra esta vicipedia: La disionario xercable grande. La paje xef de elefen, con introduis e esemplos en multe linguas; Nosa loca per plu informa sur elefen; La menu per sentos de naras, poesias, e cantas. Per favore, visita los! |