Wikiversity
![](https://upload.wikimedia.org/wikipedia/commons/thumb/6/61/Location-Asia-UNsubregions.png/225px-Location-Asia-UNsubregions.png)
Zentralasien, dacks och Mëttelasien genannt, ass am Zentrum vum asiatesche Kontinent a gëtt delimitéiert duerch d'Kaspescht Mier am Westen, Russland am Norden, China am Osten an Afghanistan am Süden.
Et gëtt verschiddene Definitioune fir déi exakt Kompositioun, a keng vun deenen Definitiounen ass universell acceptéiert. Gemenkerhand gehéieren op d'mannst 5 fréier Sowjetrepubliken dozou: Kasachstan, Kirgisistan, Usbekistan, Tadjikistan an Turkmenistan, mat enger Gesamtpopulatioun vun 61,5 Milliounen (2009) op 4,003,400 km2. Absënns am englesche Sproochraum schwätzt een dowéinst och alt emol vun de 5 "Stan-en".
Aner Gebidder déi dacks dozou gezielt gi sinn d'Mongolei, Afghanistan, den Norden a Weste vu Pakistan, den Nordoste vum Iran, an heiansdo souguer westlech Deeler vu China a Südsibirien.
Et kann ee soen, datt Zentralasie sech historesch gesinn iwwer seng nomadesch Vëlker an d'Seidestrooss definéiert.
![](https://upload.wikimedia.org/wikipedia/commons/thumb/5/5a/Zentralasien-politisch-2005_1-2048x1536.jpg/450px-Zentralasien-politisch-2005_1-2048x1536.jpg)