Wikiversity
Contento
![](https://upload.wikimedia.org/wikipedia/commons/thumb/9/94/Hamilton_Achilles_Patroclus.jpg/220px-Hamilton_Achilles_Patroclus.jpg)
Patrocle o Patroclo (in greco antique: Πατροκλῆς Patroklȇs, o Πάτροκλος Pátroklos, litt. “gloria del patre”; in latino classic: Patrocles o Patroclus) es un personage del mythologia hellenic, descripte in le Iliade de Homero como inter le plus importante del guerra de Troia.
Nate in Locris, filio de Stenele filia de Acasto (o Periapis filia de Pheres, o Philomele filia de Actor, o Polymele filia de Peleo)[1] e Menetio le argonauta, Patrocle portava le vestes armate de su grande amico e amante Achille, quando ille se refusava luctar ancora proque offendite per Agamemnon le rege de Mycene, qui le habeva subtrahite le amate serva Hippodamia Briseide, precedentemente ad ille fidite como symbolo del valor bellic demonstrate. Patrocle alora se presentava in battalia transvestite ut Achille pro dar corage al acheos, e provocava chaos in le filas inimic que ille repulsava victoriosemente; ma postea Apollo le deo del Sol le debilitava, le soldato Euphorbio le feriva, e in fin Hector le prince de Troia le occideva. Le dolor e le desiro de vendicar Patrocle induceva Achille a reprender le guerra e assissinar Hector per su mano. Le amor fraternal e affective de Achille e Patrocle les rende uno del copulas masculin le plus representate in le cultura europee, dante vita a innumerabile expressiones artistic pro representar les.
Referentias
- ↑ The New Century Classical Handbook; Catherine Avery, editor; Appleton-Century-Crofts, New York, 1962; pp. 824-825