Wikiversity

Sic zo ur ger latin hag a dalv "evel-se". Anezhañ e vefe deuet, hervez yezhourien zo, ar gerioù spagnolek ha gallek si.

Tri doare a c'haller gwelout en e implij:

• Peurvuiañ e vez implijet etre krommelloù evit menegiñ komzoù pe skridoù unan bennak, da lavarout eo e c'herioù resis en-eeun a zo meneget, ha n'eus bet lakaet kemm ebet enne.

• Talvout a ra kement-se alies da ziskouez n'eus ket da reizhañ tra er frazenn meneget, ha pa vije kavet si pe fazi enni, peogwir eo ur meneg resis ha feal a venner ober, hag er skrid orin eo edo ar si pe ar fazi, ha n'eo ket gant an hini en meneg.

• A-wechoù e vez implijet a-benn-kaer da sachañ evezh war ar si pe ar fazi zo er skrid meneget, kement ha diskouez pegen gwan e kaver arguzennoù un den.

Met kavet e vez ar ger e troiennoù latin, brudet ivez, ma talvez kement hag evel-se, ha netra ken. Sed amañ un nebeudig skouerioù :

• Er fablenn Vacca et capella, ovis et leo, gant Phaedrus:
  • Sic est locutus partibus factis leo... Sic totam praedam sola improbitas abstulit.. Gwelout: [[1]]
• Er bommoù:
  • Sic et simpliciter
  • Sic transit gloria mundi
  • Sic semper tyrannis
  • sic vita est
• Sic et Non, un oberenn gant ar prederour breizhat Pierre Abélard

• SiC formulenn gimiek, evit karbur silikiom.
• Sic, kêriadenn e Roumania, e Transilvania.

• Listennad lavaredoù latin

• (pt) http://wp.clicrbs.com.br/sualingua/2009/05/05/sic/Lec'hienn ar c'helenner brazilian Cláudio Moreno (gwelet d'ar 14 a viz Eost 2010 )