Wikiversity

Culio Natta
it. Giulio Natta
Doğum tarixi	26 fevral 1903
Doğum yeri	İmperiya, İtaliya krallığı
Vəfat tarixi	2 may 1979 (76 yaşında)
Vəfat yeri	Berqamo, İtaliya
Vəfat səbəbi	Parkinson xəstəliyi
Vətəndaşlığı	İtaliya
Elm sahəsi	Kimya
İş yeri	Paviya Universiteti
Təhsili	Milan Politexnik Universiteti
Üzvlüyü	SSRİ Elmlər Akademiyası, Fransa Elmlər Akademiyası, Rusiya Elmlər Akademiyası
Mükafatları	Nobel mükafatı
giulionatta.it
Vikianbarda əlaqəli mediafayllar

Culio Natta (it. Giulio Natta; 26 fevral 1903^[1][2][…] – 2 may 1979^[1][2][…], Berqamo, İtaliya^[3]) — Nobel mükafatı laureatı, italyan kimyaçı və elm xadimi. 1963-cü ildə yüksək polimerlərlə əlaqədar fəaliyyətlərinə görə Karl Ziqler ilə birlikdə Kimya üzrə Nobel mükafatına layiq görülmüşdür.

Natta İtaliyanın İmperiya şəhərində anadan olmuşdur. 1924-cü ildə Milandakı Politecnico di Milanoda kimya mühəndisi adını almışdır. 1927-ci ildə isə yenə burada professor olmuşdur. 1933-cü ildə Paviya Universitetində professorluq etmiş və Ümumi Kimya İnstitutunun idarəçisi olmuşdur və 1935-ci ilə qədər burada qalmışdır. 1935-ci ildə Roma La Sapienza Universitetinə fizikokimya professoru olmaq məqsədiylə müraciət etmişdir.

1936 və 1938-ci illərdə Politecnico di Torinoda professorluq etmiş və Sənaye Kimya İnstitutunun idarəçisi olmuşdur. 1938-ci ildə Politecnico di Milano Universitetində kimya mühəndisliyi sahəsinin rəhbərliyinə gətirilmişdir. Nattanın Politecnico di Milanodakı işləri Karl Ziqlerin əvvəlki işlərinin inkişaf etdirilməsini təmin etdi və bu sayədə Ziqler-Natta katalizatoru inkişaf etdirildi. 1963-cü ildə yüksək polimerlər mövzusundakı işləri ilə Karl Ziqler ilə birlikdə Kimya üzrə Nobel mükafatının sahibi olmuşdur.

Nattaya 1956-cı ildə Parkinson xəstəliyi diaqnozu qoyuldu. 1963-cü ildə vəziyyəti daha da pisləşdi və Stokholmdakı Nobel Mükafat Mərasiminə oğlunun köməyi ilə qatıldı və çıxışını yoldaşları etməli oldu. Culio Natta 76 yaşında İtaliyanın Berqamo şəhərində vəfat etdi.

• Giulio biyografisi Arxivləşdirilib 2008-05-17 at the Wayback Machine
• Giulio Natta Arxivləşdirilib 2012-10-11 at the Wayback Machine Nobel ödülü

1. ↑ ^{1 2} Giulio Natta // Encyclopædia Britannica (ing.).
2. ↑ ^{1 2} Giulio Natta // Brockhauz Ensiklopediyası (alm.).
3. ↑ www.accademiadellescienze.it (it.).