Wikiversity
Contenidos
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Lo canonche[1] ye l'eclesiastico que tien una canonchía. Forma parte de lo capítol d'a seu u de lo d'una colechiata u ilesia de rango superior, y recita l'oficio publico de la Ilesia. Huei lo nombramiento de canonches correspone a lo Vaticano, que gosa deixar ixa función en capítols y bispes. En Espanya, lo Concordato bichent regula como se proveyen las canonchías. Los canonches visten con un sobrepelliz y una muzeta, de color varianta seguntes la diocesi.
En termins churidicos lo canonche ye l'asesor de lo bispe y ha d'estar graduato en dreito canonico.
Etimolochía
En aragonés canonche s'escribiba en la Edat Meya calonge y provién de l'occitán canonge[2], y este de lo griego kânon. Asinas canonche significa qui ye chusmeso a lo canon, ye dicir, a las reglas. La variant grafica con -ch- se documenta ya en un texto de 1473 (Supresión de las cuatro raciones en las Villas de Almudevar, Lanaja, Alquezar y Berbegal), alternando con calonge:
- por la gracia divina Vispe de la seu de Güesca, y el dean, canonges e capítol.
- sean esleidas dos personas el uno canonche, el otro ciudadano.
Arnal Cavero encara documenta esta palabra en una mazada d'o semontano: u todos monches u todos canonches.
Referencias
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.106