Wikiversity
Contenidos
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O calcio ye un elemento quimico, de simbolo Ca y de numero atomico 20. Ye un elemento quimico esencial ta a vida. Se calcula que entre un 1,5% y un 2% d'o peso d'una persona ye calcio, d'o que o 99% se troba en os uesos y a resta en teixitos y fluidos corporals intervenindo en o metabolismo celular.
En a parla vulgar se fa servir a voz calcio ta referir-se a las suyas sals (por eixemplo ista augua tien muito calcio; en as canyerías se deposita muito calcio, etc.)
Caracteristicas prencipals
O calcio ye un metal alcalinoterrio blando, maleable y dúctil que se crema con flama roya formando oxido de calcio y nitruro. As superficies recients son de color blanco archent pero se fan mas palidas a escape tornando-se licherament amarillencas exposatas a l'aire y en zaguerías de color grisa u blanca por a formación de l'hidroxido de calcio en reaccionar con a humedat ambiental. Reacciona violentament con l'augua ta formar o hidroxido Ca(OH)2 desprendendo hidrocheno.
Aplicacions
- Achent reductor en a extracción d'atros metals como l'uranio, zirconio y torio.
- Desoxidant, desulfurizador, u descarburizador ta diversas aliacions ferrosas y no ferrosas.
- Achent d'aliación emplegato en a producción d'aluminio, berilio, arambre, plomo y magnesio.
Referencias
- ↑ (2010). "Mechanistic Elucidation of the Formation of the Inverse Ca(I) Sandwich Complex [(thf)3Ca(μ-C6H3-1,3,5-Ph3)Ca(thf)3] and Stability of Aryl-Substituted Phenylcalcium Complexes". Journal of the American Chemical Society 132 (35): 100818110534020. DOI:10.1021/ja105534w.
Vinclos externos
Se veigan as imáchens de Commons sobre calcio.
- (es) Insitituto Nacional de Salut Infantil y Desembolique Humán, EE.UU.
- (es) Enciclopedia Liure - Calcio
- (en) webelements.com – Calcio
- (en) environmentalchemistry.com – Calcio