Wikiversity

Än Erfinder isch ä Person, wo einmol oder widerholt öbbis Neus erschafft oder ä wäsentligi Verbesserig im Beriich vo der Technik macht, wo as Erfindig cha bezeichnet wärde.

D Eigeschafte, won än Erfinder usmache si, ass er

1. ä Broblem erkennt,
2. dr Wille het, das Broblem uf ä neui schöpferischi technischi Art z löse, und
3. scho mindeschtens eimol in siim Läbe drbii erfolgriich gsi isch.

S Erkenne vom Broblem isch die wichtigschti Vorussetzig für än Erfinder, wie s bsunders dütlig wird uf de zahlriiche Erfindermesse, uf wele mänggisch Erfindige zeigt wärde, wo em Publikum deilwiis sehr skurril erschiine und bi wele die eigentligi erfinderischi Leischtig s Erkenne vom enä Broblem isch, wo nonig glöst worden isch.

Die drei konschtitutive Eigeschafte vom enä Erfinder wärde au bim Patent beachtet. Bim Patent längt s, wenn der Erfinder s Broblem, wo mä söt löse, beschriibt und ä Lösig cha vorzeige. As Gegeleischtig für s Schutzrächt muess d Erfindig offegleit wärde. Das bedütet, ass si vom Erfinder so genau muess beschriibe wärde, ass ä Fachma, wo sich uskennt in däm Gebiet, in der Lag söt si, die Erfindig nochzvollzieh. Die Offelegig isch der wohr Grund für d Etablierig vo de Patentämter am Ändi vom 19. Jahrhundert. Si het s möglig gmacht, ass Erfinder uf de veröffentlichte Erfindige vo andere Erfinder hai chönne ufbaue und het zum enä Technologiischub in alle Länder gfüehrt, wo neui Patentämter gründet hai.

Au s „Broblemerkenne“ vo der konschtitutive Definition vom enä Erfinder wird im Patentwäse berücksichtigt: Die erforderligi Erfindigshöchi cha im Patentwäse au im Finde vo Broblem, wo bishär nit as sonigi bekannt gsi si und ihrer technische Lösig, erreicht wärde.

Für zum d Leischtige vo de Erfinder für d Gsellschaft zu würdige, wärde in mängge Länder nationali Erfinderdäg gfiirt.

Dr Erfinder muess underschiide wärde vom Entwickler. Die meischte erfolgriiche Erfinder si au gueti Entwickler, wil si suscht ihri eigeni Erfindig nit zum enä Prototyp oder in ä Produkt chönne umsetze.

Bekannti erfolgriichi „Duur-Erfinder“ wie öbbe dr Thomas Alva Edison und dr Artur Fischer si im Regelfall gueti Handwärker, Techniker oder Ingenieur.

1. Kia Silverbrook – 8847 Patente^[1]
2. Shunpei Yamazaki  – 2638 Patent (Stand 2010),
3. Artur Fischer – 1121 Patent (Stand 2008),
4. Thomas Alva Edison – 1093 Patent,
5. Kees A. Schouhamer Immink –  mee as 1000 internationali Patent,

…

Manfred von Ardenne – 601 Patent,

Edwin Herbert Land – 535 Patent,

Reginald Fessenden – 500 Patent,

Alfred Nobel – 335 Patent,

…

• Helmut Seiffert, Gerard Radnitzky (Hrsg.): Handlexikon zur Wissenschaftstheorie. 2. unv. Aufl. (Orig. 1989), München 1992: dtv, ISBN 3-423-04586-8, S. 364-365 (über Technik, Wissenschaft und Erfindertum).

• Berufsverband der deutschen Erfinder
• Erfindermesse IENA
• INSTI - Innovationsstimulierig der Deutschen Wirtschaft
• Erfindergalerie des DPMA
• Tag der Erfinder
• Rudolf-Diesel-Medaille
• DPMA - Deutsches Patent- und Markenamt
• Das Erfinderverzeichnis
• „Spanner für den Sockenbund“, Deutschlandfunk, 2. November 2006

1. ↑ INPADOC-Patent-Suche nach Kia Silverbrook (Site cha nüme abgrüeft wärde; Suche im Webarchiv)[1] [2] Vorlage:Toter Link/v3.espacenet.com

Dä Artikel basiert uff ere fräie Übersetzig vum Artikel „Erfinder“ vu de dütsche Wikipedia. E Liste vu de Autore un Versione isch do z finde.