Wikiversity

Boks is 'n taktiese vegsport. Twee teenstanders, wat gewoonlik beskermende handskoene en ander beskermende toerusting soos handomhulsels en mondskerms dra, probeer punte aanteken deur met hul vuiste na mekaar te slaan in 'n bokskryt. Dié geskied met enkelhoue, of 'n kombinasie van verskillende houe; die direkte hou, die opstopper en die haakhou. Krag is nie so belangrik as spoed nie, vir hierdie rede word boks ook nie as 'n kragsport gekategoriseer nie. Naas die tradisionele mansboksitems word kampioenskappe ook vir dames aangebied.

Olimpiese boks het 'n ouderdomsbeperking van 17–34 jaar en mans kompeteer volgens gewigsgroepe. Amateurboks is beide 'n Olimpiese en Statebondspele-sport en is 'n standaardwedstryd by die meeste internasionale toernooie, asook by wêreldkampioenskappe.

Slegs houe of stote met 'n geslote vuis bo die gordel word toegelaat. Verder is die volgende verbode: buk benede die gordel van die teenstander, vashou, stoei, slinger, houe agter die kop, vashou aan die kryttoue, lig van 'n been, trap of skop, die gebruik van 'n knie asook die aanval van 'n teenstander wat teen die planke is.

Elke kragmeting word deur 'n skeidsregter beslis, oor 'n reeks tussenposes van een tot drie minute wat "rondtes" genoem word. 'n Wenner kan beslis word voor die voltooiing van die rondtes wanneer 'n skeidsregter ag dat 'n opponent nie in staat is om voort te gaan nie, 'n opponent diskwalifiseer, of die opponent tou opgooi. Wanneer 'n geveg die einde van sy laaste rondte bereik met albei teenstanders wat nog staande is, bepaal die beoordelaars se telkaarte die wenner. Indien beide vegters gelyke tellings van die beoordelaars kry, word 'n professionele wedstryd as 'n gelykopuitslag beskou. In Olimpiese boks, omdat 'n wenner aangewys moet word, ken beoordelaars die wedstryd op tegniese kriteria aan een vegter toe.

Van die bekendste Suid-Afrikaanse boksers sluit in:

• Cassius Baloyi
• Daan Bekker
• Francois Botha
• Vuyani Bungo
• David Carstens
• Stan Christodoulou
• Gerrie Coetzee
• Pierre Coetzer
• Piet Crous
• Darius Dhlomo
• Johnny du Plooy
• Kallie Knoetze
• Pierre Fourie
• Robey Leibbrandt
• Corrie Sanders
• Mike Schutte
• Vic Toweel
• Willie Toweel

• Wikimedia Commons het meer media in die kategorie Boks.

• Wikiwoordeboek het 'n inskrywing vir boks.
• (en) Webwerf van die Internasionale Amateur-Boksvereniging (AIBA)
• (en) World Professional Boxing Federation (WPBF) Geargiveer 27 Julie 2013 op Wayback Machine