Statistical Genetics Wiki

Tirana
Tiranë
by
Utsyn over Skanderbeg-plassen i Tirana
Våpenskjold
Land	Albania
Region	Tirana
Høgd	110 m
Areal	41,8 km²
Folketal	418 495 (1. oktober 2011)[1]
Grunnlagd	1614
Tidssone	UTC +1
Tirana 41°19′44″N 19°49′04″E / 41.328888888889°N 19.817777777778°E / 41.328888888889; 19.817777777778
Tirana kommune innafor regionen Tirana
Wikimedia Commons: Tirana

Tirana (albansk Tiranë) er hovudstad og den største byen i Albania. Offisielt har sjølve byen 418 495 innbyggjarar (2011), men uoffisielle overslag går så høgt som 700 000. Dei 14 tidlegare kommunane som i dag utgjer storkommunen Tirana, hadde til saman 557 422 innbyggjarar.^[2] Tirana er ein kommune i regionen med same namn og er hovudstad i regionen.

Tirana vart grunnlagt av den osmanske hærføraren Sulejman Pasha i 1614. Opphavet til namnet er usikkert; ein populær teori er at han er oppkalla etter Teheran etter Sulejman si erobring av Persia.^[3] I 1920 vart byen utnemnd til mellombels hovudstad, som eit kompromiss mellom dei nordlege og sørlege delane av Albania.

Den noverande kommunen vart oppretta gjennom ei admininistrasjonsreform i 2014, ved at den tidlegare bykommunen Tirana vart slått saman med landkommunane Petrelë, Farkë, Dajt, Zall-Bastar, Bërzhitë, Krrabë, Baldushk, Shëngjergj, Vaqarr, Kashar, Pezë, Ndroq og Zall-Herr.^[4] Dei tidlegare landkommunane inngår no som kommunaleiningar i den nye storkommunen. Kommunen har hovudsete i Tirana.

Den tidlegare bykommunen Tirana var delt inn i 11 administrative einingar, som i dag òg er kommunaleiningar:

• Tirana 1
• Tirana 2
• Tirana 3
• Tirana 4
• Tirana 5
• Tirana 6
• Tirana 7
• Tirana 8
• Tirana 9
• Tirana 10
• Tirana 11

Fram til år 2000 var den dåverande bykommunen Tirana hovudstad i distriktet Tirana.^[5] Den dåverande bykommunen omfatta berre sjølve byen Tirana.^[4]

Commons har multimedium som gjeld: Tirana

• Offisiell nettstad
  Denne geografiartikkelen er ei spire. Du kan hjelpe Nynorsk Wikipedia gjennom å .