Statistical Genetics Wiki
Innhald
Kykladane Νομός Κυκλάδων | |
---|---|
![]() | |
Periferiar | Dei sørlege egeiske øyane |
Hovudstad | Ermoúpoli |
Folketal | 119 549 (2005) Rangering 29. |
Areal | 2 572 km² |
Folketettleik | 46/km² |
Demer | 20 |
Kommunar | 11 |
Postnummer | 84x xx |
Retningsnummer | 228x0 |
Bilnummer | EM |
Heimeside | www.ncyclades.gr |
Kykladane (gresk Κυκλάδες) er ei øygruppe i Hellas som ligg sentralt i Egearhavet. Ho ligg søraust for det greske fastlandet. Namnet refererer til øyane rundt (κυκλάς) den heilage øya Dílos.
Kykladane består av om lag 220 øyar, og dei største av desse er Amorgós, Anafi, Ándros, Andíparos, Dílos, Íos, Kéa, Kímolos, Kýthnos, Mílos, Mýkonos, Náxos, Páros, Folégandros, Sérifos, Sífnos, Síkinos, Sýros, Tínos og Santoríni. Dei fleste av dei mindre øyane er ikkje busette.
Øygruppa var tidlegare eit prefektur i Hellas, men frå 2011 inngår Kykladane saman med Dodekanesane i periferien Dei sørlege egeiske øyane. Kykladane er delt inn i ni periferieiningar: Ándros, Tínos, Mýkonos, Sýros, Kéa-Kýthnos, Mílos, Náxos, Páros og Thíra.
Ermoúpoli på Sýros er hovudbyen i Kykladane og er det administrative senteret i periferien.
Øyane er toppar av undersjøiske fjell bortsett frå dei to vulkansk øyane Mílos og Santoríni (Thera). Klima et hovudsakleg tørt og mildt, men bortsett frå Náxos er ingen av dei særleg frodige. Innan jordbruk vert det produsert vin, frukt, kveite, olivenolje og tobakk.
Historie
![](https://upload.wikimedia.org/wikipedia/commons/thumb/f/fb/Aegean_Sea_with_island_groups_labeled.gif/220px-Aegean_Sea_with_island_groups_labeled.gif)
Den kykladiske kulturen seint i steinalderen og tidleg i bronsealderen er mest kjend for dei flate kvinnelege gudebileta som er skjert inn i den kvite marmoren på øya. Dette vart gjort fleire hundreår før Den minoiske kulturen oppstod på Kreta lenger sør.
Ein steinalderkultur med element frå både Anatolia og det greske fastlandet oppstod vest i Egearhavet før år 4000 fvt., og var basert på emmerkveite, sauer og geiter, grisar og tunfiske. Utgravingar er gjort i Saliagós og Kefála (på Kéa) med funn etter kopararbeid. Kvar av dei små øyane i Kykladane kunne ikkje halde meir enn eit par tusen innbyggjarar. Etter at palasskulturen oppstod på Kreta vart Kykladane stort sett uviktige, bortsett frå Delos, som var ein heilag stad gjennom antikken.
Administrativ inndeling
Periferieining | Kommune | Tidlegare kommune |
Postnummer | Retningsnummer |
---|---|---|---|---|
Ándros | Ándros | Ándros by | 845 00 | 22820-2 |
Ydroúsa | 845 01 | 22820-7 | ||
Kórthi | 845 02 | 22820-6 | ||
Tínos | Tínos | Tínos | 842 00 | 22830-2 |
Exómvourgo | 842 00 | 22850-5 | ||
Pánormos | 842 01 | 22830-3 | ||
Mýkonos | Mýkonos | Mýkonos | 846 00 | 22890-2 |
Sýros | Sýros-Ermoúpoli | Ermoúpoli | 841 00 | 22810-2 |
Áno Sýros | 841 00 | 22810-8 | ||
Posidonía | 841 00 | 22810-4 | ||
Kéa-Kýthnos | Kéa | Kéa | 840 02 | 22880-2 |
Kýthnos | Kýthnos | 840 06 | 22810-3 | |
Mílos | Sérifos | Sérifos | 840 02 | 22810-5 |
Sífnos | Sífnos | 840 03 | 22840-3 | |
Kímolos | Kímolos | 840 04 | 22870-5 | |
Mílos | Mílos | 848 00 | 22870-2 | |
Náxos | Amorgós | Amorgós | 840 08 | 22850-2 |
Náxos og dei små Kykladane |
Náxos | 843 00 | 22850-2 | |
Drymalía | 843 02 | 22850 | ||
Donoúsa | 843 00 | 22850-5 | ||
Koufonísia | 843 00 | 22870-7 | ||
Skhinoúsa | 843 00 | 22870-7 | ||
Iráklia | 843 00 | 22870-7 | ||
Páros | Andíparos | Andíparos | 840 07 | 22840-6 |
Páros | Páros | 844 00 | 22840-2 | |
Thíra | Folégandros | Folégandros | 840 11 | 22860 |
Síkinos | Síkinos | 840 10 | 22860-5 | |
Íos | Íos | 840 01 | 22860-9 | |
Santoríni | Santoríni | 847 00 | 22860-2 | |
Ía | 847 02 | 22860-7 | ||
Anáfi | Anáfi | 840 09 | 22860-6 |
Bakgrunnsstoff
![](https://upload.wikimedia.org/wikipedia/commons/thumb/4/4a/Commons-logo.svg/15px-Commons-logo.svg.png)
![](https://upload.wikimedia.org/wikipedia/commons/thumb/d/dd/Wikivoyage-Logo-v3-icon.svg/16px-Wikivoyage-Logo-v3-icon.svg.png)
- Jeremy B. Rutter, "The Prehistoric Archaeology of the Aegean" Arkivert 2009-01-01 ved Wayback Machine.
Kjelde
- Denne artikkelen er basert på ei omsetjing av artikkelen Cyclades frå Engelsk Wikipedia .