LIMSwiki

22°23′0″N 113°58′0″E / 22.38333°N 113.96667°E / 22.38333; 113.96667 屯門（粵拼：tyun4 mun4；英文：Tuen Mun）係香港一地，喺新界西部，南面係青山灣。呢度以前係鄉郊同漁村，今日係人口稠密嘅新市鎮。對出嘅青山灣未填海之前，屯門係一塊沖積地。西面有青山，東面有九徑山，係一條狹長嘅地方。響英國接管新界，曾長期叫青山（cing1 saan1），直至新市鎮拓展爲止。屯門家下係屯門區市區。

屯門呈南北向，中間有青山公路、輕鐵同屯馬綫貫通。

根據史書記載，屯門以前係個海峽，可以行船。而隔籬青山就係個島。以前門就係海峽咁解，而屯就係駐兵。屯門地理位置，以前的確有軍事價值。不過至於屯門係咪因為咁叫屯門，就未有文獻發現。

今日屯門西北方，即係深圳特區南頭嗰頭，大唐嗰陣係叫屯門鎮，而今日屯門都幾近當時嘅屯門鎮，所以呢度都係屯門鎮嘅一部份。後尾，元朝末年，有江西陶氏人響呢度落地生根，起咗條屯門村，而條村大咗之後就改過名屯門大村。因為佢曾經係呢塊地主要嘅村，所以之後呢度就叫屯門喇。大明嗰陣，青山灣就叫屯門澳。有講法指屯門1514年曾經畀葡萄牙佔領過，不過1521年畀大明軍趕走。不過亦有考證屯門島喺內伶仃，係外國船等入省城嘅地方。屯門呢個名一直用到英國人租新界。英國人叫呢度做Castle Peak，中文就跟住改名青山。呢個名一直用到要起屯門新市鎮為止。