LIMSwiki
![](https://upload.wikimedia.org/wikipedia/commons/thumb/9/99/Tangier_5184a.jpg/220px-Tangier_5184a.jpg)
Tanger [Tanzjee] (Aroabiesch : طنجة [Tandja] ; Berbersch : ⵟⴰⵏⵊⴰ [Ṭanja]; oed-Berbersch : Tingi of Tinigi; Latyn : Tingis; Fransch : Tanger; Spoans : Tánger; Portugeesch : Tânger; Iengels : Tangier) is e belangryke stad in Nôord-Marokko met e bevolkienge van oengevêer 850 000 inweuners (2014). De stad is geleegn ip de kuste van Nôord-Afrika an de westlikke ingank van de Stroate van Gibraltar woada de Middellandsche Zêe tegoare komt mê den Atlantischn Oceoan dichte by Koap Spartel. 't Ts den oofstad van de streeke Tanger-Tétouan en van de Prefekteure Tanger-Asilah.
De geschiednisse van Tanger is hêel ryke, vo d' iestôoriesche anweezigeid van veele beschoaviengn en kuulteurn te begunn mê de vuufde êewe vôo Kristus. Tusschn de perjoode van e strateegische Berbersche stad en tonne e kommersjêel centrum te zyn van de Fenieciërs toe an d' oenofanklikeid in de joarn 1950, was Tanger e wykplatse vo veele kuulteurn. In 1923 wierd Tanger bekeekn lik of dat 'n internasjonoal statuut zoed ên, en wierd 't e bestemmienge vo veele Europeesche en Amerikoansche diplomoatn, spiongs, schryvrs en zoaknmenschn.
De stad oendrgoat teegnwôordig e rappe oentwikklienge en modernizoasje. De deeze oemvattn niewe toeriestiesche projektn lanst de boaje, e modern zaake-kwartier genaamd "Tangier City Center", e niewe vliegpling-terminoal en e niew voetbol-stadium. Tanger zyn ekonomie steunt ook ip de uutbow van de haavn.
![]() |
Ofbeeldiengn die ier by passn ku je vien in de categorie Tangier van Wikimedia Commons. |