LIMSwiki

Pilv
Põlva

Lidnanznam	Flag
Valdkund	Estinma
Eläjiden lugu (2019-01-01)	5,324 ristitud
Pind	5,5 km²
Pämez'	Georg Pelisaar (semendku 2011—)
Telefonkod	+372
Aigvö	tal'vel UTC+2, kezal UTC+3

Pilv (est.: Põlva [ˈpɤlˑˈʋɑ]) om Estinman lidn valdkundan suvipäivnouzmas. Se om Pilvan makundan administrativine keskuz.

Lidnan pühäpert' om tetab vspäi 1240, se om pandud amuižel sodaristtel i om pühätadud Jumalanmamale. Tahondan nimituz mainitaškanzihe kirjutadud purtkiš vspäi 1452, estin põlv-sana znamoičeb «pol'v». Se om legendha sidodud, miše neižne pol'vil seištes om sauptud jumalanpertin seinhä küksmaha tošt pol't hänespäi. Pühäpert' om udessündutadud Pohjoižen sodan (1700−1721) jäl'ghe. Eländpunkt kazvoi ratud järven randal i jumalanpertiš ümbri. Vll 1950−1991 žilo oli Pilvan rajonan administrativižeks keskuseks. Vn 1993 10. päiväl elokud Pilv sai lidnan oiktusid.

Pilv šingotase sömtegimištol (maidon ümbriradmine), farmaceftižel tegimel («Takeda Pharma»), putegesiden i omblendtegesiden edheotandoil.

Lidn sijadase penen ratud Pilv-järven-vezivaradimen randal (est.: Põlva järv 0,36 km² pindal, Peipusjärven bassein), sen pind om 42 m ü.m.t. korktusel. Järven padosein om saudud Orajogel (est.: Orajõgi / Põlgaste jõgi / Põlva jõgi 39 km pitte) vl 1966. Matkad Tallidnhasai om 204 km lodeheze orhal, 231 km avtotel vai raudtel, Tartuhusai om 41 km lodeheze orhal, 47 km avtotedme vai raudtedme. Pilv-raudtestancii radab «Tartu — Petseri»-keskustal (om saudud vodele 1931), raudte om lidnan pohjoižröunaks. Toižed lähembaižed lidnad oma Räpin 24 km päivnouzmha orhal vai 30 km avtotedme, i Viru 24 km suvhe orhal vai 26 km avtotedme.

Vl 1940 eläjiden lugu oli 414 ristitud, vn 2011 Estinman rahvahanlugemižen mödhe — 5767 ristitud. Kaikiš suremb lidnan ristitišt oli 7 176 eläjad vl 1995.

Rahvahad (2011, enamba 0,1%): estilaižed — 97,00%, venänikad — 1,72%, ukrainalaižed — 0,55%, suomalaižed — 0,28%, toižed rahvahad — 0,45%.

Lidnan edeline pämez' om Tarmo Tamm (1999–2011).

• 
  Pilvan ph. Marijan jumalanpert' (2006)
• 
  Koumanz' Intsikurmu-pajofestival' (2018)
• 
  Pilvan päraudtestancijan sauvuz (2013)

• Lidnan da sen volostin oficialine sait (polva.ee). (est.)

L • D •  Estinma Estinman lidnad

Abja-Paluoja • Antsl • Elv • Haapsalu • Jigev • Jihvi • Kallaste • Karksi-Nuia • Kehr • Keil • Kilingi-Nimme • Kiviili • Kohtla-Järve • Kund • Kuressaare • Kärdl • Lihul • Loks • Maardu • Mustvee • Miizakülä • Narv • Narv-Jogensu • Otepä • Paide • Paldiski • Piltsamaa • Pilv • Pärnu • Püssi • Rakvere • Rapl • Räpin • Saue • Sillamäe • Sindi • Suure-Jaani • Tallidn • Tamsalu • Tap • Tartu • Tirv • Türi • Valg • Vil'jandi • Vihm • Viru