LIMSwiki

Kannad
Cannes

Lidnanznam	Flag
Valdkund	Francii
Eläjiden lugu (2019)	74,545 ristitud
Pind	19,62 km²
Pämez'	David Lisnar (mandatad 2014−2020, 2020−2026, David Lisnard)
Telefonkod	+33-(0)4
Aigvö	tal'vel UTC+1, kezal UTC+2

Kannad, Kann^[1] (franc.: Cannes [kan], sijaline virkand [ˈkanə], oksit.: Canas) om lidn Francijan suvipäivnouzmas, Provans — Al'pad — Azur'ne rand-regionas.

Lidn om kaikiš populärižemb da tetabamb Azur'žen randan lebutahoišpäi. Se om tetab mugažo ičeze ezirivižil laukoil, restoranoil da adivpertil.

Eländpunktan aluz om pandud ligurialaižil.

Vn 2011 3. päiväl kül'mkud Kannad oliba rahvahidenkeskeižen G20-tegimištorganizacijan keskuseks.

Kannad šingotasoiš turizmal, sidä kesken azjaližel, torguindal i aerokosmižel sarakol.

Lidn sijadase Keskmeren Napul'-lahten randištol, 0..260 m ü.m.t. korktusil. Täs Esterel'-mägisel'g vasttase mererandanke.

Klimat om Keskmeren.

Vl 2011 lidnan eläjiden lugu oli 72 607 ristitud. Kaikiš suremb ristitišt om nügüd'. Se oli 72 259 eläjad vl 1982.

Lidnan edeline pämez' oli Bernar Brošan vll 2008−2014 (Bernard Brochan).

Rahvahidenkeskeine Kannoiden kinofestival' (franc.: Festival international du film de Cannes) om jogavozne kinematografine festival'. Se vedase semendkun lopul Kannad-lebutahos ottes Festivališt pert'kulud keskuseks. Kinoprodüseroiden rahvahidenkeskeine federacii (angl.: FIAPF) akkreditui nece kinofestival' ühtentoštkümnen mugoižen fil'mfestivalinke ühtes (muga nimitadud «A-kategorijan festivalid»)^[2].

• Ispanii Madrid^[3], Ispanii (16. uhoku 1957)
• Sur' Britanii Kensington da Čelsi, London-lidnan ümbrik, Anglii, Sur' Britanii (21. keväz'ku 1970)
• AÜV Beverli Hills, Kalifornii, AÜV (15. semendku 1986)
• Japonii Sidzuok, Sidzuok-prefektur, Japonii (5. kül'mku 1991)
• Meksik Akapul'ko, Meksik (30. heinku 1994)
• Kitai Sanj, Kitai (25. sulaku 1997)
• Ukrain L'viv, Ukrain (4. sulaku 2022)

Sebruzaktad oma tehtud nenidenke lidnoidenke:

• Francii Papeete, Taiti, Francii (31. tal'vku 1960)
• Italii Florencii, Italii (16. semendku 1991)
• Mad'jaranma Budapešt, Mad'jaranma (8. reduku 1993)
• Izrail' Tel' Aviv, Izrail' (15. reduku 1993)
• Šveicarii Gštad, Zanen-kund, Bern-kanton, Šveicarii (14. reduku 1995)
• Kanad Kvebek-lidn, Kvebek, Kanad (3. kezaku 1998)
• Venäma Moskv, Venäma (12. kül'mku 1998)
• Italii Turin, Italii (26. keväz'ku 1999)

1. ↑ Канн-kirjutuz // Sur' Nevondkundaline Enciklopedii. — Slovari.yandex.ru. (ven.)
2. ↑ Kannad oma Evropan kinematografižeks pälidnaks. — Geosfera.info. (ven.)
3. ↑ Les jumelages — Les pactes d'amitié (Sebruzlidnad — Sebruzaktad) lidnan cannes.com-saital. (fr.)

• Kannad-lidnan oficialine sait (cannes.com). (fr.) (angl.)
• Virtualine vizit Kannoihe täuz'ekraniženke panoramanke philippe.laval.free.fr-saital. (fr.)