LIMSwiki

I saharawi i xe i abitanti de el Sahara Ocidentale. La majoria de i saharawi vive en campi de rifugiati, spetando che rivi l'indipendensa de el paexe co on referendum. Ła zente la parla arabo e francexe. Le tribù saharawi par che le vegna da do gruppi che xe ndà a star ne la xona del Sahara Ocidental fin da l'epoca de le prime conquiste islamiche, a la fin del VII secolo d.C.. I rivendica na ascendenza araba, che secondo lori la sarìa dimostrà dal so dialeto, ciamà Hassāniyya, un idioma parlà anca ne la confinante Mauritania e ne l'Algeria, caraterizà da n'inpianto struturalmente arabo, anca se con vari berberismi e tracce de idiomi nero-africani, come el wolof. In Maroco (forse con intenti pułìteghi) se tende a considerar el dialeto sahrawi un dialeto berbero, visto che i abitanti indigeni de la region i fa parte in particolare del gruppo berbero dei Sanhāja, ma su la question no i xe mia dacordo i glottolinguisti, che i classifica l'idioma come fasente parte del gruppo semitico de la fameja lenguistica camito-semitica.

(FR) News dal Sahara

Portałi:
• Portałe de Africa
|