LIMSwiki

రక్త సంబంధము కలిగిన మానవులు, ఇక్కడ రక్త సంబధమును విస్తృతార్థములో ఉపయోగించాలి. మన సమాజములో సాధారణంగా వ్యక్తికి గానీ కుటుంబము నకు గానీ మరియొక వ్యక్తితో గానీ, కుటుంబముతో గానీ రక్త సంబంధము కలిగిన వారందరినీ బంధువులుగా గుర్తిస్తాము.

• తల్లి : అమ్మ, మాతరం
• తండ్రి : నాన్న : అయ్య, పితరం
• అన్న : వయసులో పెద్ద ఐన సహోదరుడు.
• తమ్ముడు : వయసులో చిన్న ఐన సహోదరుడు.
• అక్క : వయసులో పెద్ద ఐన సహోదరి.
• చెల్లెలు : వయసులో చిన్న ఐన సహోదరి.
• తాత : తల్లి/తండ్రి యొక్క తండ్రి.
• పితామహుడు : తండ్రి యొక్క తండ్రి., తాత
• మాతామహుడు : తల్లి యొక్క తండ్రి, తాత
• అమ్మమ్మ : తల్లి యొక్క తల్లి.
• నాయనయ్య : తండ్రి యొక్క తండ్రి.
• నాయనమ్మ : తండ్రి యొక్క తల్లి, మామ్మ, పితామహీం
• ముత్తాత : తాత యొక్క తండ్రి,. ప్రపితామహం
• తాతమ్మ : తాత యొక్క తల్లి, ప్రపితామహీం
• జేజెమ్మ : నాయనమ్మ/అమ్మమ్మ యొక్క తల్లి
• సవతి తల్లి : సాపత్నీమాతరం
• పెదనాన్న : తండ్రి యొక్క అన్న, అన్న వరస ఐన ఇతర బదుంవులు, తల్లి యొక్క అక్క భర్త.
• పెద్దమ్మ : తల్లి అక్క, అక్క వరస ఐన ఇతర బంధువులు, తండ్రి యొక్క అన్న భార్య.
• మేనత్త : తండ్రి యొక్క సోదరి.
• మేనమామ : తల్లి సోదరుడు.
• మామ / మామయ్య : మేనత్త యొక్క భర్త.
• అత్త / అత్తయ్య : మేనమామ భార్య.
• మామగారు : భర్త/భార్య యొక్క తండ్రి.
• అత్తగారు : భర్త/భార్య యొక్క తల్లి.
• పిన్ని: తల్లి యొక్క చెల్లెలు, తండ్రి యొక్క తమ్ముని భార్య.
• బాబాయి : తండ్రి యొక్క తమ్ముడు, తల్లి యొక్క చెల్లెలి భర్త.
• బావ : తన కంటే పెద్ద వాడైన అత్త లేక మామ కొడుకు, భర్త యొక్క అన్నగారు.
• బావమరిది : భార్య యొక్క సోదరుడు.
• మరిది : తన కంటే చిన్న వాడైన అత్త లేక మామ కొడుకు, భర్త యొక్క తమ్ముడు.
• తోడల్లుడు : భార్య యొక్క సహోదరి భర్త.
• మరదలు : తన కంటే చిన్న ఐన అత్త లేక మామ కూతురు, భార్య చెల్లెలు, తమ్ముని భార్య.
• వదిన : తన కంటే పెద్ద ఐన అత్త లేక మామ కూతురు, అన్నగారి భార్య.
• ఆడపడుచు /ఆడబిడ్ద : భర్త యొక్క సహోదరి
• తోడికోడలు/తోటికోడలు : భర్త యొక్క సహోదరుని భార్య.
• భర్త: వివాహమాడిన పురుషుడు.
• భార్య : వివాహమాడిన స్త్రీ.
• కోడలు/కోడలుగారు : కుమారుని భార్య.
• మేనకోడలు: భర్త సహోదరి కూతురు, భార్య సహోదరుని కూతురు.
• అల్లుడు/అల్లుడుగారు: కుమార్తె యొక్క భర్త.
• మేనల్లుడు : భర్త సహోదరి కొడుకు, భార్య సహోదరుని కొడుకు.

ఒక వ్యక్తి/కుటుంబానికి సంబంధించిన సంతానము, అన్నదమ్ములు, అక్కచెల్లెళ్ళు, వారి సంతానము దగ్గరి బంధువులుగా పేర్కొంటాము. పైన పేర్కొనబడిన చుట్టరికం వున్న వాళ్ళని మనము దగ్గరి బంధువులు అంటాము.

ఈ దగ్గరి బంధువుల బంధువులు, లేదా తాత, ముత్తాతల దగ్గరి బంధువులు మనకు దూరపు బంధువులు అయ్యే అవకాశం ఉంది.

చూడు: చుట్టరికాలు