LIMSwiki

ஒளி மாசு என்பது தேவையற்ற அல்லது அதிகப்படியான செயற்கை விளக்குகளில் இருந்து வெளிப்படும் ஒளியாகும். விளக்கமாக கூறுவதானால் ஒளி மாசுபாடு என்பது பகல் அல்லது இரவின் போது, ​​மோசமாக பயன்படுத்தப்படும் ஒளி மூலங்களின் விளைவுகளைக் குறிக்கிறது. இந்த வகை மாசுபாடு பகல் முழுவதும் இருக்கக்கூடும் என்றாலும், இரவு வானத்தின் இருளில் தாக்கம் செலுத்துகின்றன. உலகின் 83 விழுக்காடு மக்கள் ஒளி மாசுபட்ட வானத்தின் கீழ் வாழ்கிறார்கள் என்றும், உலகின் 23 சதவிகித நிலப்பரப்பு ஒளிரும் வானத்தால் பாதிக்கப்படுவதாகவும் மதிப்பிடப்பட்டுள்ளது. மேலும்...

தில்லி சுல்தானகம் என்பது ஓர் இசுலாமியப் பேரரசு ஆகும். இது தில்லியை அடிப்படையாகக் கொண்டு செயல்பட்டது. இப்பேரரசு 320 ஆண்டுகளுக்கு (1206–1526) நீடித்தது. தெற்கு ஆசியா மீது கோரி அரசமரபின் படையெடுப்பைத் தொடர்ந்து தில்லி சுல்தானகத்தை ஐந்து தொடர்பற்ற, பல்வேறு வகைப்பட்ட அரச மரபுகள் வரிசையாக ஆட்சி செய்தன. நவீனகால இந்தியா, பாக்கித்தான், வங்காளதேசம், தெற்கு நேபாளத்தின் சில பகுதிகள் உள்ளிட்ட பெரும் அளவிலான நிலப்பரப்பை இது உள்ளடக்கியிருந்தது. மேலும்...

மேலும் கட்டுரைகள்...

• இந்து சமய தீட்சை பெற்றுக்கொண்ட முதல் மேற்கத்திய பெண் சகோதரி நிவேதிதா (படம்) ஆவார்.

• கேரளாவின் பாரம்பரிய இசைக்கருவிகளில் ஒன்றான இடக்கை கோயில்களின் கர்ப்பக்கிருகத்தில் வாசிக்கப்படும் இசைக்கருவியாக உள்ளது.

• பொன்னேர் உழுதல் என்பது சங்ககாலம் முதல் தமிழர்களால் கடைப்பிடிக்கப்படும் பருவகாலம் பார்த்து முதன் முதலாக ஏர்பிடித்து செய்யும் உழவு முறையாகும்.

• தற்கால பாலூட்டிகள் முதன்முதலில் இயோசீன் காலத்தில் தோன்றியதாகக் கருதப்படுகின்றது.

• வங்காளதேசப் பிரதமர் சேக் அசீனா (படம்) அரச எதிர்ப்புப் போராட்டங்களைத் தொடர்ந்து, பிரதமர் பதவியைத் துறந்து இந்தியாவுக்குத் தப்பிச் சென்றார். முகம்மது யூனுசு இடைக்கால அரசாங்கத்தின் தலைவராக நியமிக்கப்பட்டார்.
• அமாசு இயக்கத்தின் அரசியல் தலைவர் இசுமாயில் அனியே ஈரான் தலைநகர் தெகுரானில் படுகொலை செய்யப்பட்டார்.
• இந்தியாவின் கேரள மாநிலத்தில் வயநாடு மாவட்டத்தில் ஏற்பட்ட நிலச்சரிவுகளில் நானூற்றிற்கும் அதிகமானோர் உயிரிழந்தனர்.
• எத்தியோப்பியாவின் கோஃபாவில் ஏற்பட்ட நிலச்சரிவில் குறைந்தது 257 பேர் உயிரிழந்தனர்.

ஆகத்து 13: பன்னாட்டு இடதுகை பழக்கமுடையோர் நாள்

• 1792 – பிரான்சின் பதினாறாம் லூயி மன்னர் கைது செய்யப்பட்டு மக்களின் எதிரி என அறிவிக்கப்பட்டார்.
• 1905 – சுவீடனில் இருந்து பிரிவதற்கு ஆதரவாக நோர்வே மக்கள் வாக்களித்தனர்.
• 1961 – பனிப்போர்: கிழக்கு செருமனி தனது குடிமக்கள் தப்பிச் செல்லாதவாறு பெர்லினின் கிழக்கு, மேற்கு எல்லையை மூடி பெர்லின் சுவரைக் கட்ட ஆரம்பித்தது. (படம்)
• 2004 – 156 கொங்கோ துட்சி அகதிகள் புருண்டியில் படுகொலை செய்யப்பட்டனர்.
• 2006 – புனித பிலிப் நேரி தேவாலயத் தாக்குதல்: யாழ்ப்பாணம் அல்லைப்பிட்டி தேவாலயத்தின் மீது இலங்கை இராணுவத்தினரின் எறிகணை வீச்சில் 18 பேர் கொல்லப்பட்டனர், 54 பேர் காயமடைந்தனர்.
• 2010 – 380 ஆண்கள், 63 பெண்கள், 49 சிறுவர்கள் என மொத்தம் 492 இலங்கைத் தமிழ் அகதிகளுடன் எம்வி சன் சீ என்ற தாய்லாந்து சரக்குக் கப்பல் கனடாவின் பிரிட்டிசு கொலம்பியா மாகாணத்தை வந்தடைந்தது.

எஸ். வரலட்சுமி (பி. 1927) · ஸ்ரீதேவி (பி. 1963)
அண்மைய நாட்கள்: ஆகத்து 12 – ஆகத்து 14 – ஆகத்து 15