LIMSwiki
| Jierhunnert: | 18. Jierhunnert · 19. Jierhunnert · 20. Jierhunnert |
| Jier: | < · 1846 · 1847 · 1848 · 1849 · 1850 · > |
 Kalännere
| |
| Gregorioansken Kalänner | 1848 MDCCCXLVIII |
| ab urbe condita | 2601 |
| Armeensken Kalänner | 1297 ԹՎ ՌՄՂԷ |
| Chineesken Kalänner | 4544 – 4545 |
| Äthiopisken Kalänner | 1840 –1841 |
| Hebräisken Kalänner | 5608 – 5609 |
| Hindu-Kalännere | |
| - Vikram Samvat | 1903 – 1904 |
| - Shaka Samvat | 1770 – 1771 |
| Iroansken Kalänner | 1226 –1227 |
| Islamisken Kalänner | 1264 –1264 |
Foarfaale
- 3. Januoar: Joseph Jenkins Roberts wäd die eerste Präsident fon dän näi gruundeden Stoat Liberia.
- 6. Januoar: In dän Wädloop juun een frantsöösk Expeditsjoonskorps nimt Spanien do uunbewoonde Islas Chafarinas ien, dät is n Koppel fon Ailounde foar ju marokkoanske Kuste un heert däälich tou do spoanske Plazas de soberanía.
- 2. Februoar: Dät Eende fon dän Mexikoansk-Amerikoansken Kriech brangt in dän Free-Ferdraach fon Guadalupe Hidalgo do Fereende Stoaten fon Amerikoa masse näi Lound in't Wääste, dät in't Foaren tou Mexiko heerd hiede. Dät honnelt sik uum Rebätte, do däälich do US-Buundesstoaten Arizona, Kalifornien, Nevada, Utah un Deele fon Colorado, New Mexico un Wyoming uumfoatje. Buppedät akzeptiert Mexiko dän Río Bravo del Norte (uk: Rio Grande) as Skeed tou Texas.
- 21. Februoar: Karl Marx un Friedrich Engels moakje dät Kommunistiske Manifest eepentelk.
- 27. Februar: Ätter ju frantsööske Februoarrevolutsjoon 1848 bräkt in't Grootheertoachdum Baden ju Badiske Revolutsjoon uut: Ap ju Mannheimer Foulksfersammelenge wäd een Petitsjoon mäd fjauer Aaskengen oun ju Regierenge besleeten.
- 28. Februoar: Een Mainzer Foulksfersammelenge formulierd fräiegaidelke Aaskengen juunuur ju grootheertoachelke hessiske Regierenge in Darmstadt. Heinrich von Gagern stoalt n Oundraach ap "Ienberoupenge fon een Nasjonoalrepräsentatsjoon" un ap "Ärnäierenge fon dän Buundesfoarsit".
- Meerte: Meerterevolutsjoonen in do maaste düütske Stoaten juust so as uur europäiske Lounde.
- 5. Meerte: Ju Heidelberger Fersammelenge beslut ju Iensättenge fon n Räid fon Soogen Mon, een wichtige Foar-Äntskeedenge foar dät Äntstounden fon ju Frankfurter Nasjonoalfersammelenge
- 18. Meerte: Uutbreeken fon ju Revolutsjoon in Berlin. Oungriep fon ju Kavallerie ap dät Foulk foar't Berliner Slot.
- 19. Meerte: Ap ju "Neue Königsstraße" in Berlin wäide Barrikoaden baud. Sträitenslachten in ju Stääd aaskje 187 Doode.
- 20. Meerte: Köönich Ludwig I. fon Bayern tonket ou un sin Suun Maximilian II. Joseph wäd Köönich.
- 21. Meerte: Die prüüske Köönich Freerk Wülm IV. lät sik mäd ne swot-rood-gouldene Flaage sjo. Hie mout do Revolutsjoonääre tiedwiese toumäite kuume, uum sien Riek tou rädjen.
- 22. Meerte: Faalene Berliner wäide ap do Stappen fon dän Doom apbeerd.
- 30. Meerte: Dät Foarparlament lukt in ju Frankfurter Paulssäärke ien.
- 2. April: Do Karlsbader Besluute fon 1819 juun liberoale Bestrieuwengen wäide fon dän Düütske Buundesdai foar uungultich ferkloord.
- 12. April: Friedrich Hecker un Gustav Struve roupe in Baden ju Republik uut.
- 13. April: Die Hecker-Toach begint. Badiske Revolutsjoonääre moakje sik fon Konstanz uut ap Paad ätter Karlsruhe.
- 20. April: Slacht ap ju Scheideck. Hessiske un Badiske Buundestroppen slo do Revolutsjoonääre, man dät rakt bloot tjoon Doode Revolutsjoonääre un fjauer bit tjoon doode Suldoaten, deerunner die Generoal Friedrich von Gagern. Daach faalt die Hecker-Toach uutnuur.
- 27. April: Ju Badiske Revolutsjoon, Deel fon ju Düütske Revolutsjoon 1848/1849 gungt fail: In ju Slacht bie Dossenbach unnerlaid ju Düütske Demokroatiske Legion unner Fierenge fon dän revolutsjoonääre Dichter Georg Herwegh do konterrevolutsjoonääre Troppen uut Württembierich.
- 18. Moai: Dät eerste aaldüütske Parlament, ju Frankfurter Nasjonoalfersammelenge, wäd in ju Frankfurter Paulssäärke eepend.
- 12. Juni: Bie dät twäide Wartburgfääst aaskje Studenten, oun ju Frankfurter Nasjonoalfersammelenge gjuchted, ju Uurfierenge fon do Universitäten in Nasjonoal-Oaindum, akademiske Sälwenferwaltenge un Finansierenge truch dän heele Stoat.
- 14. Juni: Wilst ju Düütske Revolutsjoon kumt dät tou dän Stoarm ap dät Berliner Tjuuchhuus, wier sik ju Masse mäd Woapen fersuurget.
- 28. Juni: Ju Frankfurter Nasjonoalfersammelenge ferkloort dän Buundesdai (Düütsken Buund) foar aploosed.
- 2. September: Manifest fon dän düütske Oarbaiderkongress
- 18. September: Septemberuunrouen in Frankfurt oun'n Main: Do Ouoardende fon ju Nasjonoalfersammelenge Hans von Auerswald un Felix Fürst Lichnowsky wäide möärend, bie Barrikoadenkampe faale trüütich Apstoundiske un tweelich Suldoaten.
- 16. Oktober: Ju Berliner Burgerweer skjut ap apstoundiske Oarbaidere.
- 10. November: Die Ienmarsk fon prüüske Troppen unner Generoalfäildmarschall Friedrich von Wrangel lädt dät Eende fon ju Revolutsjoon in Berlin ien.
- 12. November: Ju Frankfurter Nasjonoalfersammelenge sät foar't eerste Moal do Faawen Swot-Rood-Gould as Nasjonoalsymbol gjuchtelk fääst.
- 15. November: In Prüüsen looset dät fon Freerk Wilhelm IV. wairuupene Militäär Beräidengen fon ju Prüüske Nasjonoalfersammelenge ap, ju sik juun ju ounoardende Sit-Ferlääsenge fon dät revolutsjoonääre Berlin in ju Stääd Brandenbuurich weert. Buppedät lient die Köönich dän Ferfoatengs-Foarsleek, ju Charte Waldeck, ou.
- 5. Dezember: Ju wierstrieuwjende Prüüske Nasjonoalfersammelenge wäd fon Köönich Freerk Wülm IV. truch Feroardenge aplooset. Ap dän sälge Dai brangt die Köönich een Ferfoatenge ätter sien oaine Foarstaalengen ruut.
- 28. Dezember: Truch ju Frankfurter Nasjonoalfersammelenge wäide do Gruundgjuchte fon dät düütske Foulk ferkändiged.
Tou Waareld keemen
- 6. Januoar: Christo Botew, bulgarisken Dichter un Fräiegaidsstrieder
Stuurwen
