LIMSwiki
Limba Sarda Comuna. Abbàida sas àteras bariedades gràficas:
Viktor Fedorovyč Janukovyč (in ucràinu Віктор Федорович Янукович; in russu Виктор Фёдорович Янукович, Viktor Fёdorovič Janukovič; Jenakijeve, 9 trìulas 1950) est unu polìticu ucràinu naturalizadu russu, presidente de s'Ucràina de su 2010 a su 2014.
At cobertu sa càrriga de Primu ministru pro tres bortas: dae su 2002 a su 2004, dae su 2004 a su 2005 e dae su 10 austu 2006 a su 18 nadale 2007. Est fintzas su leader de su Partidu de is Regiones, unu de is partidos printzipales de su paisu.
Est istadu guvernadore de sa regione nadia sua, s'Oblast' de Donec'k, dae su 1997 a su 2002, e unu de is candidados a sas eletziones presidentziales de su 2004; derrotadu dae Viktor Juščenko, at a pustis torradu a ocupare sa càrriga de su Primu Ministru (dae su 10 austu 2006 a su 18 cabudanni 2007). In su 2010 at bintu sas eletziones presidentziales contra sa Julija Tymošenko.[1]
Est istadu bogadu dae su Partidu de is Regiones su 29 de martzu de su 2014.[2] Est istadu destituidu dae sa Rada Suprema su 22 de freàrgiu de su 2014 pro «abbandonu de is funtziones sua», pro neghe de si nch'èssere fuidu, a primu a Kharkiv e a pustis in unu logu disconnotu, torrende a cumpàrrere sa chida a sighire in Rostov subra su Don (Rùssia). Atualmente est buscadu dae s'Ucrania pro resones de arta traitoria[3].
Àteros progetos
- ↑ Ucraina, Yanukovich vince di misura L'Osce: "Elezioni trasparenti", in repubblica.it.
- ↑ Yanukovich, Azarov e Arbusov sono stati espulsi dal Partito delle Regioni, in korrespondent.net.
- ↑ Ukraine's ex-president Viktor Yanukovych found guilty of treason, in theguardian.com.
