LIMSwiki

Coordinadas: 47°04′20″N 21°55′16″E / 47.072222°N 21.921111°E47.072222; 21.921111

Oradea, una die narada Oradea Mare (in ungaresu Nagyvárad), est una tzitade rumena, cabitale de su distritu de Bihor, situada in s'uestu de sa Rumania, in s'oru de su riu Crisul Repede, in sas imediaturas de sa làcana cun s'Ungaria.

Oradea est aguarmente sa leada prus importante de sa rezione istòriga Crisana. In su retzensimentu de 2002, sa comuna teniat 206.614 abitadores, chi su 68.2% fiant rumenos, su 28,7% fiant ungaresos e s'abarru de àteras etnias. In s'intregherras, su 20.6% de sa pobuladura fiat formada dae zudeos, e bi s'agataiant finas comunidades de alemannos, isrovagos, ucrainesos, eac.

Sas istassiones termales de Baile Felix e Baile 1 mai sunt postas a 8 e 4 km respetivamente dae sa bidda. In prus de sas abas termales recunnotas in su livellu internassionale pro sos efetos terapèutigos issoro, s'agatat una formadura carsiana ispetagulosa, cuncretamente una sima cun profundidade de 86 metros, narada in sa zona “Su cràtere de Betfia”, gasi etotu che su traìnu Peta, cun unu matedu tropigale ùnigu in s'Europa.

Zai dae sègulos, Oradea rapresentat unu puntu importante de referèntzia pro sa zona, sende sa leada curturale si cumertziale de sinnìfigu prus mannu. In s'Edade Mèdia, esistiat un'osservadorzu astronòmigu e sos astrònomos chi traballaiant in ie impreaiant su meridianu de Oradea comente meridianu de 0°.