LIMSwiki
Belgje (dt. Belgien, frz. Belgique, ndl. België), amdlisch: Royaume de Belgique is än Schdaad in Weschdairopa. Ugfär 11,1 Millione Lait wohne in Belgje unn es hot e Fläch vun 30.528 km² (2013). Die Haubdschdadt vun Belgje is Brissl. Aingedaild isses in drai Regjone mit 10 Prowinze unn 43 Arondismons.
Die drai offizielle Amtsschbrooche vun Belgje sin Daitsch, Franzeesisch, und Niidalännisch. Unnernanner sinn sisch die Laid in Belgje net so äänisch, weil die zwee greeschde Volksgrubbe, die Flame, die wu Niidalännisch unn die Wallone, wu Franzeesisch babble, sich oft schdraide due.
Wegger dem Schdraid henn se in Belgje sait di letschde Wahle nur ä kommissarischi Regierung. Regierungsscheff dodevun is de Alexander De Croo, des Schdaadsowwahaubd is de Keenisch vun Belgje, Filip.
Die Währung vun Belgje is de Euro.
Geografie
Nachbarschdaade vun Belgje sinn im Uhrzaigersinn im Norde beginnend: die Niidalonde, Daitschlond, Lugsebursch unn Frongraisch.
Gschischd
Än aischndschdännische Schdaad is Belgje sait de belgisch Revolizjon im Johr 1830. Dodevor sinn se ä Deel vun de Niidalonde gewesse. Belgje is donn ä parlamendarischi Monaschie geworre unn hot de Leopold I. zu saim erschde Keenisch ernonnd.
In de Kolonjalzaid hot de Sohn vum Leopold I., Leopold II. de Kongo als Privadbsitz "gekaaft". Nochdem do brudale Exzess bai de wertschaftlisch Ausbaidung vun dem Lond rauskumme sinn, hot der des ganze Gebied 1908 als Kolonie an den belgische Schdaad abgetrede. Awwe aa de Schdaad hot sich mit dem Belgisch-Kongo net mit Ruhm bekleggat. 1960 is de Kongo donn u'abhängisch geworre.
In baide Wldkriesch is faschd des gonze Lond vun daitsche Truppe besetzt worre, obwohl Belgje domols naidral gwesse is.
1957 hot Belgje zamme mid Frongraisch, Idalje, Daitschlond, Lugsebursch unn de Niidalonde die EWG gegrind, aus dere donn 1993 die EG unn schbääder die EU hervorgange is.
Websaide
