LIMSwiki

Lo KGB (Komitet gossoudarstvennoï bezopasnosti en rus^[1]) es un servici de seguretat sovietic que foguèt actiu de 1954 a 1991. Creat per remplaçar lo MGB, qu'èra estat denonciat per d'infraccions a la legalitat socialista après la mòrt d'Estalin, èra encargat de missions d'entresenha e de còntra-espionatge a l'interior e a l'exterior de l'URSS. Dispausant de plusors centenaus de miliers d'agents e de policiers, èra tanben sostengut per un ret de plusors milions de collaborators occasionaus. Aquò li permet de reprimir lei movements d'oposicion en URSS e d'enregistrar de succès importants a l'estrangier gràcias a sa capacitat d'infiltracion dins leis institucions occidentalas. Foguèt dissòut en 1991 en causa de sa participacion au putsch de Moscòu. Foguèt remplaçat per divèrsei servicis secrèts dins lei país successors de l'URSS. Lo pus conegut es lo FSB rus creat en 1995.

• CIA.
• Espionatge.
• Guèrra Freja.
• Polícia politica.

1. ↑ КГБ e Комитет государственной безопасности en alfabet cirillic.