LIMSwiki

Sosial sienties → Linguistike

Linguistike es li siential studio de lingues. Spesialistes de ti studio es nomat linguistes. Linguistike pove es teorial o praktikal. Teorial (o general) linguistike studia lingual strukture (gramatike), e signifikatione (semantike). Li studio de gramatike inkluse morfologia (li formatione e alteratione de vordes) e sintaxe (li regles kel determina li ordine de vordes in frases e satses). Fonologia, kel es li sisteme usat por representa li lingue per abstrakti 'suones', anke es inklusat in ti studio.

Linguistes kompara lingues (komparativ linguistike) e explora lesen histories, por trova universal aspektes de lingues e explika lesen developo e origines (historial linguistike). Non tre separat de general linguistike es li sub-studio de fonetike, li studio del produktione e perseptione de suones.

Praktikal linguistike usa lingual teories por helpa homes, exemplim in li instruktione de stranjeri lingues, in lingual terapie, in traduktione e in lingual patologia.