LIMSwiki
Tambagö (moroi ba li Indonesia "tembaga") no sambua mbotoŵa si so ba danö soroyo-royo si tola möi niwöwöi ba la'oguna'ö ia ba wamazökhi kabel (li Indonesia "kawat") simane kabel listrik, kabel telepon, ba kabel komputer, ma zui ba wamazökhi gama-gama ba nomo simane bowoa, kawali, sere, ati-ati, btn. awö ba wamazökhi ngawalö wakake elektronik ma na i ba wamazökhi sagö. Bakha ba kimia lafotöi ia Cu (li Latin "Cuprum") faoma numero atom khönia 29.
Tambagö tefaböbö ba ngawalö "logam" ba töra moroi ba da'ö tambagö no "logam asli", eluahania tola i'anema'ö la'oguna'ö ia, lö moguna wangohalöŵögöigö sibai simane ngawalö logam tanöbö'ö. Da'ö göi mbörö wa tambagö no logam si föföna sibai la'oguna'ö niha ba gulidanö, ambö töra 8.000 fakhe fatua lö tumbu Keriso.
La'a-la'a dambagö no oroyo-royo (faigi gambara yaŵa) bahiza khönia bakha so sambua nifotöi "senyawa" si hulö asio si tola möi baero ba oroma mobalau ma zui mowuge'e (faigi gambara malige ba nga'örö andre).
Galeri
-
Ngawalö wakake niha nifazökhi moroi ba dambagö töra 5400 fakhe si lalö -
Ngawalö wakake ba nawu moroi ba dambagö -
Kaŵe nifazökhi moroi ba tambagö -
Famakhai pipa nifazökhi moroi ba dambagö -
Hua gefe nifazökhi moroi ba dambagö -
Nahia heza lakhao danö ba wangozökhö tambagö
Faigi göi
