LIMSwiki
Dat Huus vun de Agiaden weer, blangen de Eurypontiden, een vun de beiden Hüser vun de Königen vun Sparta. Se menen, dat se vun Eurysthenes afstammen döen. De scholl na de greeksche Mythologie ut Herakles siene Familie kamen. Eurysthenes sien Söhn Agis I. schall dat Huus vun de Agiaden grünnt hebben.
De Agiaden sünd as vörnehmer ansehn wurrn, as de Eurypontiden. Sünnerlich in de Tied vun dat Klassische Grekenland spelen se in de Politik vun Sparta ok de gröttere Rull. Grote Königen, as Kleomenes I., Leonidas I. un Pausanias höörn to jem ehr Huus.