LIMSwiki

Ries (Oryza sativa) is n gressoort dat veural teelt wordt in dailen van Zuudoost-Azie. t Is veur n groot dail van de wereldbevolken t heufdvouer. Tegenswoordeg is t via Chinezen en Japanners ook noar de westerse wereld kommen. Ries wordt teeld in zonuimde sawas. Dit binnen vlakke natte velden, oetgroaven oet n baarg/heuvel. In dit loagke woater gruit de ries. In landen as Japan wordt elk rieskörrelke mit haand ofsneden omdat zai baange binnen veur knuppen van kwaaie geesten.

In Afrika komt een aandere riessoort veur de Oryza glabberima. Dizze soort dij goud bestaand is tegen ziekten en ploagen en deur zain snelle vegetatieve ontwikkelen onkruud bestriedt wordt al aiwen laang in o.a. Guinea, Guinee-Bissau, Sierra Leone en Senegal eten.

In Japan wordt n apaart soort sake-ries verbaauwd veur t moaken van de hogere kwaliteiten sake. Dizze ries mit een laange korrel wordt meer as 1 meter hoog, t het een zwoar oor en wordt handmoatig oogst. De Japanse ries mit n körte korrel wordt veuraal eten as standerdries bie gerechten as teriyaki en in soesie.

Commons: Ries - plaatjes, filmkes en/of gelüüdsbestanden.