LIMSwiki
Contegnud
![]() |
Quest articol chì l'è scrivud in lombard, con la Noeuva Ortografia Lombarda |
Faroe | |||||
---|---|---|---|---|---|
| |||||
![]() | |||||
Daits aministrativ | |||||
Nom intreg | |||||
Nom ofiçal | Føroyar e Færøerne | ||||
Lengue ofiçai | Lengua faroesa e Lèngua danéza | ||||
Capitala | Tórshavn | ||||
Politega | |||||
Forma de govern | |||||
Capo de Stat | Federico X di Danimarca | ||||
Capo de Govern | Aksel V. Johannesen | ||||
Superfix | |||||
Totala | 1 399 km² | ||||
Popolazion | |||||
Totala | 54 149 ab.(1º genar 2023) | ||||
Densitaa | 38.71 ab./km² | ||||
Jeografia | |||||
Continent | Europa | ||||
Confin | Islanda | ||||
Fus orari | UTC±00:00 | ||||
Economia | |||||
Valuda | corona de łe Fær Øer | ||||
PIL (nominal) | 3 649,88 milion de USD (2021) | ||||
PIL pro capite (nominal) | 3 000 000 000 USD (2017) | ||||
Varie | |||||
Codex ISO 3166 | FO, FRO, 234 | ||||
TLD | .fo | ||||
Prefiss tel. | +298 | ||||
Sigla autom. | FO | ||||
Inn nazional | Tú alfagra land mítt | ||||
Evoluzion storega | |||||
Proclamazion | 1º april 1948 | ||||
I isole Faroe (Føroyar -che'l voeul dì "isole di ber"- in faroes, Færøerne in danes) a inn un possediment de la Danimarca, in de l'Ocean Atlantegh.
I gh'hann pressapoch 48.000 abitant.
I isole a inn una Nazzion costitutiva del Regn de Danimarca e del Folketing, o ben el Parlament danes, che el ciapa denter anca Danimarca e Groenlandia. La capital a l'è Tórshavn.
I Faroe fann part de l'Europa. Se troeuven in de l'Ocean Atlantegh setentrional, pressapoch a metà strada in tra l'Islanda, la Scozia e la Norvegia.
Geografia
![](https://upload.wikimedia.org/wikipedia/commons/thumb/b/ba/Litla-dimun-photo.jpg/220px-Litla-dimun-photo.jpg)
I Faroe innn un arcipelagh formad de 18 isole, al largh di coste setentrionai de l'Europa, in tra el Mar de Norvegia e el nord de l'ocean Atlantegh, a metà strada in tra l'Islanda e la Norvegia. I so coordinade inn 62°00′N 6°47′W / 62°N 6.783333°W, hann una superfis de 1 399 , e presenten minga grand lagh o fium. La linea costera la se stend per 1 117 , a l'è contornada in tant pont de scoeujere e ciarament el gh'ha minga confin de terra con di pais. El pont pussee volt a l'è el Slættaratindur, 882 meter sora el nivell del mar. L'unega isola desabitada a l'è Lítla Dímun.
I 18 isole a inn Fugloy, Svínoy, Borðoy, Viðoy, Kunoy, Kalsoy, Eysturoy, Streymoy, Vágar, Mykines, Hestur, Koltur, Nólsoy, Sandoy, Skúvoy, Stóra Dímun, Lítla Dímun e Suðuroy.
Clima
![](https://upload.wikimedia.org/wikipedia/commons/thumb/3/3d/Faroe_Islands%2C_Eysturoy%2C_Funningsfj%C3%B8r%C3%B0ur_%28fjord%29_in_October.jpg/310px-Faroe_Islands%2C_Eysturoy%2C_Funningsfj%C3%B8r%C3%B0ur_%28fjord%29_in_October.jpg)
![](https://upload.wikimedia.org/wikipedia/commons/thumb/c/c7/Klimadiagramm-metrisch-deutsch-Thorshaven-F%C3%A4r%C3%B6er.png/220px-Klimadiagramm-metrisch-deutsch-Thorshaven-F%C3%A4r%C3%B6er.png)
Segondo la classifegazzion di clim de Köppen, i Faroe gh'hann un clima oceanegh subpolar. Impunemanch, l'è rilevanta fess l'influenza colda de l'Ocean Atlantegh, e in particolar da la correnta nord-atlantega. Quell chì, insema al continov transit de perturbazzion che vegnen de nord-ovest, el garantiss invern mit (con la temperadura media in tra i 3 e i 4 °C) e estad fresche (temperadura media in tra 9,5 °C e 10,5 °C)[1].
In sui isole despess bofa el vent e a gh'è la scighera. Gh'hann de sorapu un cel squas semper covert, tant che in media se registren 260 dì l'ann con precipitazzion e che i dì de sol inn pussee rar de quei nivol.
El 5 setember 1966 i Faroe inn stade colpide de l'uragan Faith, con vent che hann superad i 160 . Poch dopo havé colpid la capital Tórshavn, a l'è stad declassad.[2]
La registrazzion di dat meteorologegh in di Faroe l'ha tacad in del 1867.[3]
Politega
![](https://upload.wikimedia.org/wikipedia/commons/thumb/d/d0/Faroe_map_with_villages%2C_streets%2C_straits%2C_firths%2C_ferry_harbours_and_major_moutains.png/300px-Faroe_map_with_villages%2C_streets%2C_straits%2C_firths%2C_ferry_harbours_and_major_moutains.png)
I Faroe inn semper stade un possediment scandinav: a partì del secol XI, eren un possediment de la Norvegia, poeu (1380) del regn norveges-danes e, del 1814, domà de la Danimarca.
Dopo de la segonda guerra mondiala hann otegnud un'autonomia semper pussee granda.
In del 1973, quand che la Danimarca l'ha aderid a l'Union Europea, i Faroe hann decidud de stà foeura.
Organizazzion politega
![](https://upload.wikimedia.org/wikipedia/commons/thumb/4/4a/Commons-logo.svg/37px-Commons-logo.svg.png)
Note
- ↑ Il clima delle isole, da meteogiornale.it Archiviad chi: [1]
- ↑ (EN) GHCN Climate data, Thorshavn series 1881 to 2007
- ↑ (EN) Copia archiviata. URL consultad in data 25 agosto 2013. (arqiviad de l'url orijenal in data 17 marzo 2012) Plant production on a Faeroese farm 1813-1892, related to climatic fluctuations