LIMSwiki

30. september er 273. dagur ársins (274. á hlaupári) samkvæmt gregoríska tímatalinu. 92 dagar eru eftir af árinu.

• 1148 - Bærinn í Hítardal í Mýrasýslu brann til kaldra kola og fórust þar meira en 70 manns. Þar á meðal var biskupinn í Skálholti, Magnús Einarsson. Þetta er mannskæðasti eldsvoði Íslandssögunnar.
• 1399 - Hinrik 4. tók við völdum í Englandi.
• 1626 - Hong Taiji tók við sem leiðtogi júrsjena af föður sínum Nurhaci eftir lát hans.
• 1791 - Töfraflautan eftir Wolfgang Amadeus Mozart frumsýnd í Vínarborg.
• 1938 - Neville Chamberlain sneri aftur til Bretlands af fundi með Hitler í München og tilkynnti um „frið um vora daga“.
• 1949 - Stjörnubíó tók til starfa í Reykjavík.
• 1966 - Útsendingar Sjónvarpsins hófust.
• 1966 - Botsvana fékk sjálfstæði frá Bretlandi.
• 1971 - Sagnfræðingafélag Íslands stofnað.
• 1972 - Karl 16. Gústaf Svíakonungur vígði Eylandsbrúna sem þá var lengsta brú Evrópu, rúmir sex kílómetrar að lengd.
• 1978 - Fyrsta skráða ferð Ferðafélags Íslands eftir Laugaveginum fór fram.
• 1980 - Digital Equipment Corporation, Intel og Xerox gáfu út DIX-staðalinn fyrir Ethernet-tengingar.
• 1982 - Bandaríska sjónvarpsþáttaröðin Staupasteinn hóf göngu sína.
• 1989 - Um 7.000 Austur-Þjóðverjar sem komu með lest til Prag fengu að halda áfram til Vestur-Evrópu.
• 1989 - Senegambíusambandið leystist upp vegna landamæradeilna.
• 1989 - Friðarsamningar sem bundu enda á Borgarastyrjöldina í Líbanon voru undirritaðir í Sádí-Arabíu.
• 1991 - Bandaríski spjallþátturinn Charlie Rose hóf göngu sína á PBS.
• 1991 - Á Haítí framdi herinn valdarán og steypti Jean-Bertrand Aristide forseta af stóli.
• 1992 - Íþróttafélagið Garpur var stofnað í Rangárvallasýslu.
• 1993 - Nær 10.000 manns fórust þegar jarðskjálfti reið yfir Maharashtra á Indlandi.
• 1994 - 302 metra löng brú yfir Kúðafljót tekin í notkun. Við það styttist hringvegurinn um 8 kílómetra.
• 1996 - Gjálpargosið: Eldgos hófst undir Vatnajökli, milli Bárðarbungu og Grímsvatna sem stóð til 13. október.
• 2005 - Mjög umdeildar skopteikningar af Múhameð spámanni birtust í danska dagblaðinu Jyllandsposten.
• 2006 - Bandaríkjaher yfirgaf formlega herstöðina á Keflavíkurflugvelli og Íslendingar tóku við stjórn hennar.
• 2008 - Íslenska kvikmyndin Reykjavík - Rotterdam var frumsýnd.

• 2009 - Ögmundur Jónasson heilbrigðisráðherra sagði af sér vegna ósamkomulags innan annarrar ríkisstjórnar Jóhönnu Sigurðardóttur um Icesave-málið.
• 2009 - Minnst 1110 fórust í jarðskjálfta sem reið yfir Súmötru.
• 2010 - Hópur lögreglumanna í Ekvador hertóku þingið og forsetann, Rafael Correa, vegna óánægju með laun sín.
• 2011 - Íslenska kvikmyndin Eldfjall var frumsýnd.
• 2015 - Rússar hófu loftárásir á Íslamska ríkið og stjórnarandstæðinga í Sýrlandi.
• 2016 - Tvö málverk eftir Vincent van Gogh sem hafði verið stolið frá Van Gogh-safninu í Amsterdam árið 2002, fundust.
• 2019 – Brú Maríu Krónprinsessu sem liggur yfir Hróarskeldufjörð var opnuð fyrir umferð.

• 1227 - Nikulás 4. páfi (d. 1292).
• 1826 - Jón Borgfirðingur, íslenskur fræðimaður og lögregluþjónn (d. 1912).
• 1882 - Jónas Stefánsson frá Kaldbak, íslenskt skáld (d. 1952).
• 1902 - Ryuzo Shimizu, japanskur knattspyrnumaður.
• 1905 - Savitri Devi, franskur guðspekingur (d. 1982).
• 1917 - Park Chung-hee, suðurkóreskur stjórnmálamaður (d. 1979).
• 1924 - Truman Capote, bandarískur rithöfundur (d. 1984).
• 1928 - Elie Wiesel, rúmensk-bandarískur rithöfundur og Nóbelsverðlaunahafi (d. 2016).
• 1928 - Takeshi Inoue, japanskur knattspyrnumaður (d. 1992).
• 1945 - Ehud Olmert, forsætisráðherra Ísraels.
• 1947 - Gunnar Ingi Birgisson, fyrrverandi bæjarstjóri Kópavogs (d. 2021).
• 1958 - Rósa Guðný Þórsdóttir, íslensk leikkona.
• 1959 - Xiomara Castro, hondúrsk stjórnmálakona.
• 1967 - Ragnheiður Elín Árnadóttir, íslenskur stjórnmálamaður.

• 1148 - Magnús Einarsson, Skálholtsbiskup (f. 1092).
• 1585 - Halldóra Árnadóttir, biskupsfrú á Hólum, kona Guðbrands Þorlákssonar (f. 1547).
• 1626 - Nurhaci, leiðtogi Jursjena (f. 1558).
• 1955 - James Dean, bandarískur leikari (f. 1931).
• 1990 - Patrick White, ástralskur rithöfundur (f. 1912).
• 2002 - Göran Kropp, sænskur fjallgöngumaður (f. 1966).
• 2016 - Bjarni Jónsson, íslenskur stærðfræðingur (f. 1920).
• 2018 - Kim Larsen, danskur tónlistarmaður (f. 1945).