LIMSwiki
| Montreal | |||
|
|
|||
|
|||
 
|
|||
| Nomine native | Montréal, Molian, Mooniyang, Tiohtià:ke, Tiohtiake | ||
|---|---|---|---|
| Classe | city or town[*], metropole[*], territory outside RCM[*], college town[*] | ||
| Pais | Canada | ||
| Population | 1 762 949 | ||
| Area | 498 km²  |
||
| Situate in | Urban agglomeration of Montreal[*] | ||
| Altitude | 31 m |
||
| Coordinatas | 45°30'32"N, 73°33'42"W | ||
| Citates gemine | Alger, Amsterdam, Casablanca, Managua, Port-au-Prince[*], Hanoi, Manila, Beersheba[*], Hiroshima, Milan, San Salvador, Brussel, Lucknow[*], Amman, Athenas, Barcelona, Beirut, Hannover, Harrisburg, Los Angeles, Shanghai, Yerevan, Tunis, Busan[*], Bucarest, Santiago de Cali, Los Mochis[*], Honolulu County[*], Montréal-la-Cluse[*], Monterrey[*] | ||
| Fuso horari | Eastern Time Zone[*], UTC-05:00[*] | ||
| Geonames ID | 6077243 | ||
| Sito web: https://montreal.ca/ | |||
 |
|||
| Wikimedia Commons Category Montreal | |||
Montreal[1] es le metropole del provincia de Québec in Canada. Le citate constitue un centro major de commercio, de industria, de cultura, de financia e affaires international. Montreal esseva le sito del exposition universal de 1967 e del Jocos olympic de estate de 1976. On pote ibi vider etiam le Festival International de Jazz de Montreal, le Festival Solo Pro Rider, le Festival Montreal in lumine e le club de hockey professional, le Canadianos de Montreal. Le Vetere-Montreal esseva designate como un quartiero historic in 1964.
Montreal es considerate como le secunde agglomeration francophone de lingua official[2] in le mundo[3] e le sol metropole francophone in America del Nord. Illo es etiam, post Toronto, le secunde agglomeration canadian in importantia. Quanquam historicamente Montreal esseva le capital economic, illo esseva superate in population in le annos 1970s per Toronto, le altere major citate in Canada oriente.
In 2006, le population de Montreal se calculava a 1 637 563 habitantes (3 695 800 habitantes pro le ensemble de su agglomeration).[4] Circa 52,4 % del population del citate es de cultura e de lingua francese, 32,4 % es neo-canadian de cultura e de lingua altere que francese e anglese e 12,5 % es de cultura e de lingua anglese, facente de Montreal un citate intercultural.[5]
'Montreal' se pronuncia /mɔ̃ʁeal/ in francese e /ˌmʌntɹiˈɔːl/ in anglese.
Montreal es situate super le insula del mesme nomine, le plus grande del archipelago de Hochelaga, in le confluentia del fluvio Saint-Laurent e del riviera del Outaouais, completemente al occidente del insula. Le riviera va al laco del Deux-Montagnes, que illo ipse se divide in tres cursos de aqua: le riviera del Prairies e le fluvio Saint-Laurent que borda le insula de Montreal in le nord e in le sud, e le riviera del Mille Îles. De facto, Montreal possede plus de 266 kilometros de rivas.
Le agglomeration se compone equalmente de 75 insulas e insulettas, con le insula Jésus que forma le citate de Laval, le insula Perrot, le insula Bizard, le insula del Soeurs, le insula Sainte-Hélène, e le insula Notre-Dame.
Le citate prende su nomine del proximitate immediate del monte Royal, montania e vaste spatio verde urban, hodie cingite per le urbanisation e portator del imagine del citate.
3 753 300 personas habita le region metropolitan de Montreal[6] Le population del insula de Montreal es de circum 1 850 000 personas e celle del citate como tal, de un million e medie.
In le sud del insula, le Vetere-Montreal constitue le centro historic e coperi numerose attractivitates, notabilemente le Vetere-Port, le placia Jacques-Cartier, le municipalitate (Hôtel de Ville), le placia del Armas, e le basilica Notre-Dame.
Il ha evidentias archeologic de varie gentes native nomadic dum al minus 2000 annos ante le arrivata de europeos.[7] Le Iroqueses del fluvio Saint-Laurent establiva le village de Hochelaga al pede de Mont Royal. [8] Le explorator francese Jacques Cartier visitava Hochelaga le 2 octobre 1535, asserrente que le vallea de Saint-Laurent pertine de nunc a Francia. [9] Ille estimava le population "plus que un mille". [10]
Referentias
- ↑ Derivation: Entitates: 1. (it) Montréal || 2. (es) Montreal || (pt) Montreal || 3. (fr) Montréal || 4. (en) Montreal || Controlo: (de) Montreal || (ru) Монреаль || - (Extra): (la) Mons Regius
- ↑ Charte de la Ville de Montréal, L.R.Q., chapitre C-11.4 [archive], Éditeur officiel du Québec, Québec, 7 octobre 2009.
- ↑ Post Paris (11,77 millions d'habitants).
- ↑ Estimation del population le 1 de julio 2008, facite in octobre 2009. Fonte: Estimation de la population des municipalités du Québec de 15 000 habitants et plus au 1er juillet des années 1996, 2001 et 2006 à 2008 [archive], octobre 2009, Institut de la statistique du Québec. Consultate le 18 octobre 2009.
- ↑ Certaines tendances relatives aux données pour Montréal (V) Data quality note(s) for Montréal, recensements de 2006, 2001 et 1996 [archive], 2006, Statistique Canada. Consultate le 18 octobre 2009.
- ↑ Statistique Canada en 2009, 2004.
- ↑ "Place Royale and the Amerindian presence". Société de développement de Montréal. September 2001. http://www.vieux.montreal.qc.ca/tour/etape9/eng/9text3a.htm. Retrieved 2007-03-09.
- ↑ Tremblay, Roland (2006). The Saint Lawrence Iroquoians. Corn People. Montréal, Qc: Les Éditions de l'Homme.
- ↑ "Jacques Cartier: New Land for the French King". Pathfinders & Passageways. http://epe.lac-bac.gc.ca/100/206/301/lac-bac/explorers/www.collectionscanada.gc.ca/explorers/h24-1330-e.html. Retrieved 2009-10-03.
- ↑ Tremblay, Roland (2006). The Saint Lawrence Iroquoians. Corn People. Montréal, Qc: Les Éditions de l'Homme.
