LIMSwiki

La 5-a de septembro estas la 248-a tago de la jaro (la 249-a en superjaroj) laŭ la Gregoria kalendaro. 117 tagoj restas.

Je la 5-a de septembro okazis, interalie:

Eventoj

-322: Tesalio: decida venko de armeo de Antikva Makedonio super la greka (Antikva Grekio) en batalo de Krannon
1415: Husana nobelaro el Bohemio kaj Moravio starigis dum sia kongreso defendan union kontraŭ atakoj de katolika partio
1494: Portugalio ratifis la Traktaton de Tordesillas
1580: Unua Pola-Rusa Milito pri Livonio kaj Polack: pola kaj hungara armeoj konkeris Velikije Luki apartenanta al Rusa carlando
1651: Ribelo de zaporogoj kaj kozakaj kamparanoj gvidata de Bohdan Ĥmelnickij kontraŭ Respubliko de Ambaŭ Nacioj: apud Trypol (proksime al Kievo) trupoj de kampa hetmano Marcin Kalinowski embuskis kaj tute likvidis 3 000 kozakojn el grupo de Vasil Zolotarenko
1661: Oni arestis Nicolas Fouquet, francan ministron pri financoj
1666: Granda incendio de Londono finiĝis - antaŭvidita de Nostradamo
1698: Caro Petro la Granda impostigis barbulojn
1723: Imperiestro de Germanio Karolo la 6-a kroniĝis kiel reĝo de Ĉeĥio
1725: Reĝo de Francio Ludoviko la 15-a kaj pola reĝidino Maria Leszczyńska geedziĝis
1735: En Vieno oni subskribis provizoran pactraktaton inter Francio kaj Aŭstrio
1755: Kanado: britaj regopovoj komencis deportadon de francaj setliĝintoj el Nov-Skotio
1774: Usono: Kontinenta Kongreso kunvenis en Filadelfio
1781: Usona Milito de Sendependeco: venko de franca ŝiparo super la brita en batalo de Golfo Chesapeake
1789: Olympe de Gouges prilaboris Deklaracion pri Inaj kaj Civitaninaj Rajtoj
1793: Franca revolucio de 1789: Nacia Konvencio komencis teroron - 10 monatoj de regulaj reprezalioj kaj amasaj ekzekutoj pere de gilotino kontraŭ personoj vidataj kiel malamikoj
1800: Grand-Britio aneksis Malton
1812: Franca invado al Rusio: batalo de Borodino komenciĝis
1836: Sam Houston iĝis unua elektita prezidento de la Respubliko Teksaso
1869: Bavario: oni komencis konstrui kastelon Neuschwanstein
1877: Indiana ĉefo Freneza Ĉevalo, defendanto de Nordamerikaj Grandaj Ebenaĵoj, estis murdita (en la nuntempa Nebrasko)
1882: Futbalklubo Tottenham Hotspur fondiĝis en Londono
1891: Ĉevaltira tramo komencigis la tramtransporton en Zagrebo
1905: Pactraktato finanta la rusan-japanan militon, subskribita en usona Portsmouth helpe de mediacio de la prezidento de Usono Theodore Roosevelt
1916: Premiero de usona muta filmo Netoleremo, reĝisorita de David Wark Griffith
Unua Mondmilito
- 1914: Batalo de la Marno komenciĝis; batalo en Lagoregiono Mazurio komenciĝis - germana armeo komandata de generalo Paul von Hindenburg venkis la rusan; germana SM U-21 sinkigis apartenantan al Reĝa mararmeo malpezan krozŝipon HMS Pathfinder - unua en la historio sinkigo de malamika ŝipo pere de torpedo elpafita de submarŝipo; sur teritorio de Pola Reĝlando, aneksita de germana armeo, Józef Piłsudski fondis en Kielce Polan Nacian Organizaĵon
- 1915: Internacia konferenco de socialistoj komenciĝis en Zimmerwald, apud Berno - pliprofundigo de dividoj inter reprezentantoj de internaciismo kaj socialdemokratio pri taktiko kaj strategio de socialismaj organizaĵoj dum la milito
- 1916: Batalo de Dobriĉ komenciĝis — inter bulgara armeo kaj la rumana-rusa
- 1918: Militkomunismo: Konsilio de Popolkomisaroj de RSFSR dekretis pri komenco de la Ruĝa teroro, apud Moskvo funkciuloj de Ĉeka pafekzekutis kelkdek personojn, akuzitajn pri kontraŭrevolucia agado
1920: Nacia konferenco de la marksisma maldekstro okazas en Prago
1924: Dua Pola Respubliko: en Lvovo ukraina studento faris dum inaŭguro de Orienta Foiro nesukcesan atencon kontraŭ la pola prezidento Stanisław Wojciechowski
1929: Franco Aristide Briand proponis al la Ligo de Nacioj Eŭropan Federacian Union
1938: En Santiago de Ĉilio okazis nesukcesa provo de puĉo flanke de faŝisma movado
Dua Mondmilito
- 1939: germana-pola milito: post subpremo de kontraŭgermanaj flankatakoj germanoj murdis 1600 polojn en Bydgoszcz; germanaj soldatoj militkrimis en Serock kontraŭ 66-81 polaj militkaptitoj, kaj ankaŭ pafmortigis aŭ vibruligis en Milejów 150 personojn, en Trzebinia 97, kaj plurajn en aliaj 17 lokoj, i.a. en Krasnosielc apud Maków Mazowiecki ankaŭ masakris en sinagogo ĉ. 50 judojn; kvintaga batalo de Tuchola-arbarego finiĝis; marŝalo Edward Rydz-Śmigły ordonis retirigon de polaj armitaj fortoj ĝis defend-linio laŭ riveroj Vistulo kaj San; germana supera komandanto, generalo Walther von Brauchitsch, subskribis ordonon pri kreo de eksterordinaraj juĝejoj sur okupataj polaj teritorioj, kiuj aperis en Bydgoszcz, Katowice kaj Poznań, kaj pri enkonduko de la germana puno; Jan Smuts la duan fojon iĝis ĉefministro de Sud-Afriko; Usono proklamis neŭtralecon en la Dua mondmilito
- 1940: Germana okupado de Pollando: germanaj regopovoj permesis akcepti polojn al malsanulejoj nur kaze de vivdanĝero; Moskvo: subskribo de soveta-germana pakto pri translokado de germanoj de Besarabio kaj norda Bukovino, kiuj devas forlasi novan sovetan landlimon ĝis la 15-a de novembro — ili estos direktitaj al Pomerio, Grandpolujo kaj Lodzo-regiono; premiero de kontraŭjudisma propaganda filmo Jud Süß ĉe la Festivalo de Venecio; Batalo de Anglio: nokte de la 5-a/6-a de septembro germana 2-a Aera Floto atakis Londonon
- 1941: En Vilno inter la 3-a kaj 5-a de septembro establiĝis du getoj por judoj; la tuta Estonio ektroviĝis sub germana okupado; usona armeo prokrastis devigan soldatservon al civitanoj, kiuj volontule eniros Taĉmentojn de Polaj Soldataroj en Kanado; soveta-brita ultimato kun postulo rompi diplomatiajn rilatojn inter Irano kaj ŝtatoj de la Akso Berlino-Romo-Tokio - akceptita la 10-an de septembro
- 1942: SS-komandanto Ferdinand von Sammern-Frankenegg en Varsovio ordonis mortpunon pro helpo al judoj fuĝintaj de geto; germanoj komencis deporti de Lodza geto maljunulojn, infanojn kaj malsanulojn al ekstermejo Chełmno — entute 15-20 mil personojn; Pola Rezistomovado: Organizaĵo de Eta Sabotado bruligis en Varsovio 12 kinejojn; Nord-Afrika kampanjo: batalo de Alam Halfa (proksime al El Alamein) finiĝis per taktika venko de Aliancanoj; Orienta Fronto: trupoj de la soveta Norda Grupo de la Transkaŭkaza Fronto malhelpis germanan provon transiri la riveron Terek
- 1943: Usonaj kaj aŭstraliaj trupoj alteriĝis en la valo de Morobe kadre de la kampanjo de Nov-Gvineo kontraŭ Japanio; Ruĝa Armeo en Donecka provinco liberigis Toreckon, Horlivka kaj aliajn lokojn; nokte de la 5-a/6-a de septembro soveta aviado atakis fervojajn nodojn Baĥmaĉ, Niĵino, Poltavo kaj aliajn; Bomba Korpuso de RAF atakis Mannheim kaj Ludwigshafen; bulgara caro Boriso la 3-a estis entombigita en la Rila-monaĥejo (post verŝajna venenigo)
- 1944: Ribelo de Varsovio: ribelantaj taĉmentoj de Pola Enlanda Armeo retiriĝis de elektrejo — en la kvartalo SS-anoj murdis 152 virojn; Sovetunio deklaris militon al Bulgario; Gestapo malliberigis en Koncentrejo Mauthausen-Gusen 1933 polojn; Belgio, Nederlando kaj Luksemburgo subskribis kreon de doganunio Benelukso
- 1945: Brita armeo eniris Singapuron; ĉifristo Igor Guzenko transdonis al kanadaj regopovoj pli ol cent sekretajn dokumentojn de la sovetia ambasado — komenco de la Malvarma milito
1946: En Krakovo Supera Nacia Kortumo kondamnis al mortpuno germanan-nazian krimulon Amon Goeth, komandanton de la koncentrejo KL Plaszow - la verdikto estis plenumita
1946: Akordo De Gasperi-Gruber por protekti kulturan unikecon de la germanlingva loĝantaro en la regiono Trentino-Sudtirolo estis subskribita en Parizo
1948: Robert Schuman la duan fojon estis nomumita ĉefministro de Francio, tamen ne sukcesis krei registaron
1957: Kastrisma revolucio: okazis ribeleto en la havenurbo Cienfuegos dum kiu pereis 200 maristoj, 600 civiluloj, 100 soldatoj de la registara armeo
1960: Unua ĉefministro de Demokratia Respubliko Kongo Patrice Lumumba estis demisiita de prezidento Joseph Kasavubu
1960: Léopold Sédar Senghor elektiĝis prezidento de Senegalo
1961: Belgrado: unua konferenco de la Movado de Nealiancitaj Landoj komenciĝis
1969: Usona leŭtenanto William Calley estis akuzita pri la masakro de My Lai en Vjetnamio
1969: Pollando: inaŭguro de la Monumento de Batalo kaj Martireco de la Regiono de Bydgoszcz omaĝe al murditaj pro hitlera kaj stalina teroro
1971: En Tuluzo oni inaŭguris monumenton al ukraina poeto Taras Ŝevĉenko - unua en Okcidenta Eŭropo
1972: Palestina terorista organizo Nigra septembro kidnapis israelajn sportistojn dum la Somera Olimpiko en Munkeno
1973: La 4-a konferenco de la Movado de Nealiancitaj Landoj komenciĝis en Alĝero
1976: Prezidento de Centr-Afrika Respubliko Jean-Bédel Bokassa demisiis registaron
1977: NASA: lanĉo de la usona robota kosmoveturilo Voyager 1, kiu nun estas la plej distanca kaj daŭre funkcianta ekstertera objekto sendita de la homo
1977: Teroristoj de la Frakcio Ruĝa Armeo (RAF) kidnapis okcidentgermanan entrepreniston Hannsmartin Schleyer, mortigante 3 policanojn
1978: Dum aŭdienco ĉe papo Johano Paŭlo la 2-a mortis ortodoksisma episkopo de la Rusa Ortodoksa Eklezio Nikodim — unua oficiala renkontiĝo depost 500 jaroj
1981: En Gdańsk komenciĝis Unua Landa Kunveno de Delegitoj de "Solidareco"
1984: Aŭstraliaj ŝtatoj kaj teritorioj: lasta aŭstralia ŝtato, Okcidenta Aŭstralio, abolis mortopunon
1990: Landa Komisiono de la Sendependa Aŭtonomeca Sindikato "Solidareco" forprenis de "Gazeta Wyborcza" la rajton uzi la simbolon de "Solidareco" sur sia titolpaĝo
1991: Pollando kaj Litovio religis diplomatiajn rilatojn
1995: Francio faris unuan diskutatan nuklean teston en la atolo Moruroa
2000: Tuvalo aniĝis al Unuiĝintaj Nacioj
2001: Nula versio de Hungarlingva Vikipedio estis lanĉita
2004: Ukrainio: en daĉo de vicprezidanto de Ukraina Sekureca Servo oni provis venenigi kandidaton en prezidentec-baloto Viktor Juŝĉenko
2006: Registaro de Pakistano subskribis pactraktaton kun reprezentantaro de maljunuloj de Vaziristano
2008: Nikaragvo agnoskis sendependecon de Abĥazio kaj Sud-Osetio
2008: Kosmosondilo Rosetta preterflugis asteroidon Šteins je 800 km
2012: Hazardaj eksplodoj okazis en Turkio, kie apud Afyonkarahisar eksplodis munici-stoko mortigante 25 soldatojn kun pluraj vunditoj, kaj en Tamilnado, kie apud Sivakasi eksplodis fabrikataj fajraĵoj - 40 personoj pereis, 50 vundiĝis
2017: Siria enlanda milito: la registaraj trupoj rompis post tri jaroj sieĝon de la urbo Dair az-Zaŭr faritan de la batalantoj el Islama Ŝtato
2018: Ĉefministro de Litovio Saulius Skvernelis iĝis homo de Mez-Orienta Eŭropo dum la Ekonomia Forumo de Krynica
2019: Pollando: en Pomiechówek (Distrikto Nowodworski) okazis solena entombigo de trovitaj postrestaĵoj de 43 soldatoj de Pola Subtera Ŝtato, murditaj ĉi tie de la germana okupanto en la jaroj 1941-1944 kune kun 15 000 poloj kaj judoj
2020: La 9-a Nacia Legado: Baladina, romantikisma dramo de Juliusz Słowacki — legata en 3 200 lokoj de Pollando kaj 25 aliaj landoj
2020: En Parko de Nacia Memoro en Toruń, iniciatita de Tadeusz Rydzyk, oni malfermis memortabulon al 300 ukrainoj, kiuj savis polojn dum la Volinia masakro
Invado de Rusio en Ukrainion
- 2022: 194-a tago de rusa agreso: en Zaporiĵa Nuklea centralo la lasta 6-a linio estis disligita kun energetika reto de Ukrainio, kio okazis pro rusa pripafado kaj incendio; rezulte de sukcesa atako de ukraina armeo apud Kupjansk rusoj perdis pli ol 100 soldatojn kaj 2 batalveturilojn, en Ĥersono pli ol 30 soldatojn kaj 3 tankojn
- Mondreago: "The Guardian": Miĥail Ĥodorkovskij alvokis rusojn al "sabotado" de la milito de Putin; en Krasnodar rusa partizano subbruligis du aŭtomobilojn kun simbolo "Z"; Sky News: en britaj armeaj spacoj 4 700 ukrainoj finis instruadon — al la junia oferto de Boris Johnson aliĝis jam Danio, Finnlando, Norvegio, Svedio, Litovio, Kanado kaj Nov-Zelando; Moskva Urba Juĝejo kondamnis rusan ĵurnaliston Ivan Safronov, suspektatan NATO-spionon, al 22 jaroj de prizonkolonio; redakcio de "Novaja gazeta" deklaris post juĝa senigo de licenco : Hodiaŭ la gazeto estis mortigita, oni ŝtelis al ties laborantoj 30 jarojn de la vivo, kaj al legantoj oni reprenis rajton al ricevado de informoj; Prezidanto de Pollando flugis al Afriko realigante ofensivon kontraŭ kremla propagando — en Niĝerio, Ebur-Bordo kaj Senegalo parolos pri nutra ĉantaĝo