LIMSwiki

İbrahim
Melumato şexsi
Cınsiyet	Camêrd
Biyayış	Mabênê 2167 İR ya zi 1792 İR
Merdış	Mabênê 2050 İR ya zi 1638 İR (Cavern of the Patriarchs de merdo)
Cayê merdışi	El Xelil
Gure	Şıwane, father of faith û peyğamber
Zıwani	Kenanki
Hempar	Sare, Hacer û Keturah
Domani	İsmail, İshaq, Zimran, Yuqşan, Medan, Midyan, İşbak, Şuah û Bakol
Maye	Amasla
Pi	Terah
Şar	İbraniy

İbrahim (ya zi ey rê Abraham^[1] (Zıwanê İbranki: אברהם‎zi vaciyeno) merdımo Cıhudo (Yehudiyo) ke bawer beno verê Miladi seserra 2 hezarıne ^[2] de weşiya xo ramıta. Eno merdım miyandê dinê İslami de zi zey peyğamberi^[3] Cıhudan u Xıristiyanan miyan de zi pilo diniyo. Bawer (inam) beno İbrahim hem piyê İshaqiyo hem zi piyê İsmailiyo; Cıhudi kokê İshaqi ra yenê, kokê İsmaili ra zi peyğamberê dinê İslami Mıhemmed u şarê Erebi yenê.

İbrahimi sero tayê çımeyan de zi wına nusiyeno, İbrahim yew rahibo u Hindıstan sera keyeyê xo berdo, goç kerdo u ameyo Rocvetışê Miyani.^[4][5] Hema ke eno çıme raşto ya zi şaşo tam nêzaniyano. Teyna İbrahim u Brahma miyan de figuratifê nezdiy estê u yewbinan ra wına nezdibiyayış zi diqatê cıgeyroyoğan anto xo sero. Her dı zi piyê şariyê, pilê merdımanê. Teyrê Brahma esto u İbrahimi zi teyri cıra keno, keno çehar leteyi.

Zıwananê şaranê Semıtkiyan de "Ab" pi areze keno, maneyê cı piyo, pêrdo. Anciya "Raam/Raham" zi gırd, pil areze keno. Enê dı çekuy kom benê u “Piyo Gırd” ya zi piyê gırbiyayeyan veciyeno. Ab = "Pi;" Hir ya zi H'r = "Cor; Ser; Gırd;" Am = "Şar." Naca ra Abhiram ya zi Abh'ram "Piyê Gırdbiyayeyan" ya zi “Piyê şari” areze keno.

İbrahim dinanê İbrahimi de merdımo serêno, verêno. Namê ey zi dinanê mısılmanan, xıristiyanan u cıhudan vatene rê nameyo serên keriyayo. Enê dinan ra gore no merdım Rocvetışê Miyani de weşiya xo ramıta, naca de merdo.