LIMSwiki
Taolenn
![](https://upload.wikimedia.org/wikipedia/commons/thumb/2/21/Africa_satellite_orthographic.jpg/220px-Africa_satellite_orthographic.jpg)
Da geñver gorread koulz ha poblañs ez eo Afrika an eil kevandir er bed. En em astenn a ra war 30 221 532 km2 gant an inizi nes dezhi, da lavaret eo war 20,30 % eus gorread an douaroù a gaver war ar Voul-douar. Gant 54 Stad ez eus 1 miliard (2010) a annezidi o vevañ, war dro 16 % eus poblañs ar bed.
Gerdarzh
![](https://upload.wikimedia.org/wikipedia/commons/thumb/0/0f/LocationAfrica.png/220px-LocationAfrica.png)
Dont a rafe an anv eus an hini roet gant ar Romaned, Africa terra = douar an Afri (Afer eo an unander e latin), pa n’anavezent nemet lodenn Norzh ar c'hevandir. Pa zeuas Norzhafrika da vezañ ur broviñs roman ne oa douar an Afri nemet Tunizia vodern, Kartada o vezañ ar gêr-benn d'ar mare-se.
Un nebeud martezeadennoù war gerdarzh an anv :
- Afar (poultrenn) e fenikianeg
- meuriad an Afri, ur bobl Berber a c'hellfe bezañ bet o chom war-dro Kartada
- aphrike, ur ger henc'hresianeg a c'hellfe talvezout evit "ha n'eo ket yen"
- aprica e latin, ur ger a dalvez an amzer-nevez
Egipt a veze renket en Azia a-raok an douaroniour Ptolemaios (85 - 165), hemañ eo a lakaas an harz etre Afrika hag Azia a-hed Kanol Suez hag ar Mor ruz.
Lodennoù Afrika
Istor
Hervez holl antropogolourien ar bed ez eo Afrika kavell an denelezh. Emdreiñ a rae Homo Sapiens etre 200 ha 100 000 bloaz zo. Goude an emdroadur e oa krog da vont er-maez eus Afrika etre 80 ha 50 000 bloaz zo.
N'eo ket deuet ar gounezerezh er memes mare e pep lec'h, a-wechoù a-raok a-wechoù goude an doñvañ chatal.
Hieroglifoù Egipt kentañ a zo etre -3800 ha -3000 en Abidos e-pad Sevenadur Nakada (prantad raktierniezh Henegipt).
War-dro ar c'hentañ milved kent JK en em skignas labour an houarn e Norzhafrika hag e Norzh Afrika issahara, hag e -700 e Kornôg Afrika.
Liammoù diavaez
Kevandirioù ha rannvedoù | |||
![]() Norzhamerika |
![]() Europa |
![]() Eurazia |
![]() Azia |
![]() Amerikaoù |
![]() Eurafrazia |
![]() Okeania |
![]() Aostralia |
![]() Suamerika |
![]() Afrika |
![]() Antarktika |
Gourgevandirioù kozh : Gondwana • Laurazia • Pangea • Rodinia |
Tiriadoù dalc'het
Ceuta • Inizi Kanariez • Madeira • Melilla • Mayotte • Reünion • Saint Helena • Inizi Tchagos
Azawad • Sahara ar C'hornôg • Somaliland