LIMSwiki

Uranus (hurup Arap Gundul: اورانوس; Yunani: Οὐρανός Ouranós; simbol: dan ) nya'entu bintang ider nomor tujuh kalo diurut deri Mataari. Entu nama Uranus diambil deri atu déwa Yunani punya nama Uranus (basa Yunani: Οὐρανός Ouranós) nyang juga jadi langit punya jèger. Entu Uranus kekeja deri ès sama kaya' Nèptunus. Enni perihal bikin béda ama Mustari ama Johal. Uranus punya kalangan awang-awang isinya entu jat aèr (hidrogen) ama hélium, cuman paling gabreg entu ès kaya' aèr, métana, ama amonia. Uranus punya kalangan awang-awang jadi paling nusuk se-Tata Kemataarian, bahnanya atis menanan di situ. Suhu paling atis di Uranus ampé dah 49°K atawa -224°C.

Sama kaya' bintang ider goden laènnya, Uranus ada punya sistim cincin èn banyak bulannya. Uranus punya sistim cincin cumanan lebih kecitan daripada Johal. bintang ider Uranus sumbu puternya miring 90° ampé-ampé dia punya kutub entu sènggolan ama lingkeran ideran mataarinya. Entu punya lantaran, kutub lor ama kidulnya kalo dibayangin kaya' bintang ider Bumi, di Bumi jadi kaya' katulistiwa.