LIMSwiki

Унга
англ. Unga
Характарыстыкі
Плошча	442,188 км²
Насельніцтва	1 чал.
Шчыльнасць насельніцтва	0 чал./км²
Размяшчэнне
55°15′35″ пн. ш. 160°40′40″ з. д.HGЯO
Акваторыя	Ціхі акіян
Краіна	ЗША
Унга
Медыяфайлы на Вікісховішчы

Унга (англ.: Unga) — найбуйнейшы востраў у групе архіпелага Шумагіна. Уваходзіць у склад амерыканскага штата Аляска. Плошча — 442,188 км². У 2000 г. на востраве жыў 1 чалавек.

Унга месціцца ў заходняй частцы заліва Аляска за 6,3 км на поўдзень ад паўвострава Аляска. Раён месцазнаходжання вызначаецца высокай сейсмічнай актыўнасцю. Суша складзена гранітамі і асадкавымі вулканічнымі пародамі. Для пейзажаў характэрны скалы і россыпы буйнога друзу. Найвышэйшы пункт дасягае 696 м. Востраў знакаміты рэшткамі акамянелых раслін, якія захаваліся са старажытных часоў.

Клімат марскі прахалодны. Узімку на паўднёвым узбярэжжы частыя штормы. На большай частцы вострава дамінуе тундравая і лугавая расліннасць.

Востраў Унга быў адкрыты расійскай экспедыцыяй на чале з Вітусам Берынгам у 1741 г. Сучасная назва паходзіць ад наймення алеуцкай вёскі Ougnagok (Ounga), якая ўпершыню ўзгадваецца на востраве ў 1833 г. Асноўнымі заняткамі мясцовых жыхароў былі рыбалоўства і здабыча марскіх футравых звяроў. Паселішча было ліквідавана да канца XX ст. у сувязі са сталым памяншэннем насельніцтва.

Паселішча Унга ў 1910—1916 гг.:

• 
  Агульны выгляд
• 
  Гавань
• 
  Будынак турмы

• Unga — Aleutian Pribilof Islands Association
• Geology of Unga Island
• Unga Island (U.S. National Park Service)