LIMSwiki

Enrico Fermi (Itali: [enˈriːko ˈfermi]; 29 Séptémber 1901 – 28 Nopémber 1954) inggih punika silih tunggil fisikawan Italia (salanturné kanaturalisasi Amérika) miwah pangripta réaktor nuklir, Chicago Pile-1. Ida kasengguh dados "arsiték aab nuklir"^[1] miwah "arsiték bom atom".^[2] Ida punika silih tunggil akedik fisikawan sané unggul ring fisika téorétis miwah fisika ékspériméntal. Fermi kaanugrahin Paica Nobél ring Fisika warsa 1938 antuk karya ipun indik radioaktivitas sané kainduksi olih pangeboman néutron miwah antuk pacundukan datu transuranium. Sinarengan sawitra-sawitra ipun, Fermi ngajuang makudang patén kakait pawiginaan tenaga nuklir sané samian kaambil alih olih pameréntah AS. Ida ngardi kontribusi sané signifikan antuk pangembangan mékanika statistik, téori kuantum, taler nuklir miwah fisika partikel.