LIMSwiki
|
In ba 03/06/1635 koe Paris koe Franca koblir. Nazbeik ke begonyik, tir zanisik is godevrik ke Tristan l’Hermite ( mawazanisik va Gazik ) turwitis va in. Tison 18-daf, va Rivales ( Yona kevlikya ) suteyer aze askiyir da Tristan va in atoeyer, zornas va gaduca ; grupeyeson va ageltuca, buskusik va dodera va dojeniayano dro vewayad nume pu jotaf sutesik va pakera va kazawakseem drageyed ; batcoba nutir xanta ke askirasang. Quinault va yona baerdafa ezla suteyer ise va bar-sanoya drunta is buska is folva is kaleyna al isker ; va nyabafolva reduyur ; inaf grot tir La Mère Coquette ( Ekoltafa Gadikya ) buska. Vanmiae inaf folveem va Askate gonozwat ; voxen in nelkon tir kotgrupaf tuke yona kaleyna : Thésée is Alceste is Roland ikz- eruyun gan Lulli melzaredusik, is tuke Armide tolon komelzayan gan taneon Lulli az Glück. Tere va dokobara ke Quinault ko Psyché do Corneille is Molière me rovulkut. Bak 1670 in ko Francaf Cultim zo kazawayar, ikaplekuson va Salomon de Virelade ; tiyir tan tevoy taneaf cultimik dosten koe yona aboyafa disukexa ; ba awalkera ke Colbert va inafa siskava bloktiyayar ise remi 1675 is 1677 va Louis XIV icde maletiks va inaf tawukeem booleyer. Kal milafa eka dam Corneille ik Racine gan Voltaire ontinapteyenon, va konaka stujera Philippe Quinault neken grupeyer. Va yona gromafa malyopara ke Boileau ik La Fontaine ik Racine ik ar konaktan ekeyer. Varze kotcoba isu kev Charles Perrault va intaf nik levgiyir. In ba 26/11/1688 koe Paris awalkeyer. |
| ||||||||||||||||||
