LIMSwiki
Contenidos
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](https://upload.wikimedia.org/wikipedia/commons/thumb/f/fc/Zambia_-Electricity_repairs.jpg/300px-Zambia_-Electricity_repairs.jpg)
Un electricista, u tamién dito popularment lucero, ye o profesional que s'ocupa de realizar toz os treballos relacionaus con a electricidat. Dada a gran transcendencia y uso masivo d'a electricidat en a iluminación bi ha diferents especialidaz d'ista profesión a on cal destacar a os electricistas que s'ocupan d'os rez d'alta tensión, os electricistas que s'ocupan d'as instalacions electricas en as casas, edificios, tallers y locals comercials, os electricistas que s'ocupan d'as instalacions y mantenimiento de l'alumbrau publico d'as carreras, y os electricistas que s'ocupan d'a reparación d'averias electricas d'a maquinaria y electrodomesticos.
Formación
![](https://upload.wikimedia.org/wikipedia/commons/thumb/3/37/Electrician_Working.jpg/300px-Electrician_Working.jpg)
En o Aragón os conoiximientos tecnicos que s'amenistan pa exercer ista profesión son ligaus a os ciclos formativos u a la carrera d'incheniería electrica, mas centrada en o disenyo d'instalacions que en o suyo mantenimiento.
Hue en día muitos centros d'amostranza forman profesionals en o campo d'a electricidat industrial a on o estudiant adquiere conoiximientos de l'automatización de maquinaria pa fer mas eficaces os procesos de producción que requieren as interpresas a causa d'os abances tecnolochicos.
Pa poder realizar instalacions electricas, tanto de baixa tensión como d'alta tensión, se desiche amás a profesionals una acreditación oficial que guarancie o conoiximiento tecnico necesario pa poder realizar-las seguntes as normas de seguridat vichents.
Funcions
![](https://upload.wikimedia.org/wikipedia/commons/thumb/a/a6/Digital_Multimeter_Aka.jpg/250px-Digital_Multimeter_Aka.jpg)
Os tecnicos electricistas s'encargan d'apanyar dende enchufes dica instalacions de centros de carga, panels electricos industrials, linias d'alta tensión, etc.
O treballo d'electricista no se limita nomás a treballar en viviendas u edificios, con o creiximiento d'a industria os electricistas se forman y capacitan pa realizar treballos como o de reparación y mantenimiento preventivo de toda mena de motors electricos monofasicos y trifasicos, contactors, limitadors electricos, rancadors suaus (soft start), variadors de frecuencia, temporizadors, electrovalvulas, conexions en estrela y delta de transformadors, manullo adecuau de productos pa uso en instalacions electricas, y respectando a normativa de seguridat que suchiere o codigo nacional electrico (codigo NEC).
Atras fainas usuals son:
- Intervencions urchents d'electricista por a manca de corrient electrica por:
- Sobrecalentamient en bella linia
- Cortocercuitos
- Derivacions
- Reparación, substitución u instalación d'acometida cheneral
- Enamplación de cuadros electricos existents y instalación de nuevos cuadros
- Reparación, substitución u instalación de linias de derivación individual, cercuitos, linias electricas ...
- substitución u instalación de mecanismos de protección (diferencials, interruptors magnetotermicos)
- Enamplación d'a instalación
- substitución u instalación de luces, halochenos, enchufes, claus de luz, temporizadors d'escala ...
- Prochectos d'instalación u renovación d'instalación electrica d'alcuerdo a o reglamento
- Electrotecnico de baixa tensión
- Dictamen d'estau d'a instalación
- Emisión de certificaus d'instalación electrica en baixa tensión
Intervencions urchents d'electricista
- Substitución de diferencials, interruptors magnetotermicos, fusibles, etc. que deixan a casa totalment u parcial sin de suministro electrico.
- Localización y reparación de cortocercuitos y derivacions.
Elementos de treballo
Os electricistas treballan con materials, ainas manuals y equipos de verificación y control, que cal que cumplan rigurosament as normas de seguridat arredol d'ista profesión. Entre éls bi ha:
- Material electrico: cables, proteccions electricas, terminals de connexión...
- Multimetro u tester.
- Meggen u multitest.
- Alicates: de tallo, pa espelletar cables, de puntas redondiadas...
- Atornillador
- Cinta aislant
Se veiga tamién
Vinclos externos
Se veigan as imáchens de Commons sobre electricistas.
- (es) Reglamento espanyol d'instalacions electricas