LIMSwiki

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Asirianos cristianos
Sūrāyē

Asirianos

Rechions con comunidaz importants

Siria	200.000–877.000
Irak	150.000–202.000
Irán	7.000–17.000
Armenia
Estaus Unius
Suecia

Idiomas

Arameu

Relichión

Cristiana (nestorianismo)

Pueblos relacionaus

Altros pueblos semitas: Sirians, caldeus cristianos y chodigos d'o Kurdistán

Mapa

Os asirianos^[1] u asirios^[1] cristianos son un pueblo que habitaba en as redoladas de Hakkari (Turquía) y Urmia (Irán) pero fuoron forachitatos en a Primera Guerra Mundial. Se caracterizan por a luenga aramea y estar fidels d'a Ilesia d'Orient, adepta d'o nestorianismo.

Historia

L'orichen d'os asirianos cristianos ye en as comunidaz cristianas que i heba en l'Imperio Persa Sasanida, (en part formata por refuchiatos sirians seguidors d'o patriarca Nestorio), y que prenioron u mantenioron a doctrina d'o nestorianismo pa desvinclar-sen d'as autoridaz cristianas d'Antioquía y amostrar a los gubernants persas que no yeran como os cristianos de l'Imperio Romano.

En "La Flor de las Ystorias d'Orient" de Chuan Ferrández d'Heredia los mencionan como nestorins:

En el regno de Siria habitan diuerssas gentes, griegos, ermins, iacobins, nestorins, et otras dos naçiones de cristianos, es a saber, silianos et maronins. Los silianos tienen la manera de los griegos, et fueron obedientes en tiempo passado a la santa eglesia de Roma. Ellos parlan lengua arabica, et facen el offiçio de la eglesia con letras gerguescas. Los maronins tienen la seta de los iacobins, et han letras et lengua arabica; et aquesta gent habitan encara en el Mont de Liban deues las partidas de Gerusalem et son buena gent d'armas. Los silianos son muchos, mas los maronins son poca gent; et han entre ellos de valientes hombres de armas et de buenos sennores.

En o "Libro de Marco Polo" los denominan nesturins:

En aquesta gra(n)t erminia es larcha de noe sobre vna grant mo(n)tanya et aquellas gentes son xp(ist)ianos nesturins et iacobins et confina aquesta prouinçia deues trasmontana con vna otra prouincia qui se clama Georgiana et hay vna tan grant fuent dolio que .c. naues podrien cargar allora tan grant oio ende salle mas no es buen(a)[o] sino a cremar et ha v(n)tar los camellos por q(ue) las moscas no les faga(n) mal

En o "Libro d'as Marabillas d'o Mundo", tradueito a l'aragonés, los mencionan como aserianos, como part d'a mesma confesión que os cristianos de Sant Tomás d'A India, que tamién yeran nestorins:

Desta t(ier)ra va hombre en passando por muchas marcas vers vna t(ier)ra a .ix. jornadas luein q(ue) clama(n) mavaron / et es vn muy grant Regno / et ay de muy beillas cibdades & de bellas villas en este Regno jasze el cuerpo de S(ant) thomas lapostol en carne & en oro en vna bella tomba enla cibdat de calamie / Car allj fue el mart(ir)izado & enseuelido / Mas los aserianos fiziero(n) t(iem)po ha trah(e)r su cuerpo en mesopotania ala cibdat de edisse / Et pues fue el condecabo Reportado / Et el brac[']o & la mano q(ue) el puso en las plagas de n(uest)ro s(eynnor) q(u)ando n(uest)ro s(eynnor) ap(ar)escio empues la Resurrect(i)on et li diso / Noli e(ss)e incredulus sed fidelis

Dimpués d'o sieglo XVI bels nestorins aceptoron l'autoridat d'o Papa de Roma y se deseparoron d'a Ilesia Asiriana orichinal, nestorina, convertindo-se en a Ilesia Caldea y un grupo etnoconfesional diferent, os caldeus cristianos.

Os asirianos cristianos yeran Aliaus d'o Reino Uniu en a Primera Guerra Mundial. Os grupos armaus nacionalistas turcos y os kurdos los atacoron y habioron d'ir-se-ne de Hakkari ta Urmia (Irán). O gubierno turco no reconoixió a neutralidat d'Irán y atacó a os asirianos en territorio iraní fendo-ie grans mortaleras, razón por a que se refuchioron en Iraq. Dimpués d'a Primera Guerra Mundial no podioron tornar ta Hakkari y colabororon con l'admenistración britanica contra os arabes y kurdos. Cuan Irak se fació independient os kurdos y arabes atacoron os campos de refuchiatos asirianos y muitos fuyoron ta Siria, Liban y Estaus Unius.

Referencias

↑ ^1,0 ^1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

Datos: Q377085
Multimedia: Assyrian people / Q377085

[DORTO-1] 1,0 ^1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[1]