LIMSwiki

Orvieto
Staat:	Italie
Region:	Umbrien
Provinz:	Terni (TR)
Koordinate:	42° 43′ N, 12° 6′ O42.71666666666712.1325Koordinate: 42° 43′ 0″ N, 12° 6′ 0″ O
Hechi:	325 m s.l.m.
Flechi:	281 km²
Yywohner:	19.689 (31. Dez. 2022)[1]
Bevelkerigsdichti:	70 Yyw./km²
Poschtleitzahl:	05018
Vorwahl:	0763
ISTAT-Nummer:	055023
Demonym:	Orvietani
Schutzpatron:	San Giuseppe
Website:	Orvieto

Orvieto isch e Stadt mit 19.689 Iiwooner (Stand 31. Dezember 2022) im Südweste vo Umbrie in dr Browinz Terni z Italie.

Die ganzi Altstadt isch uf eme Felsplatoo us Tuffstäi. In däm Stadtfelse het s e Labyrinth vo Chäller, Gäng und riisige Zisterne, wo men e chliine Däil drvo wider cha go aaluege. E Hufe etruskischi Greeber lige in Räije grad underhalb vom Felse, und uf de Häng wisawii vo dr Stadt het s Greeber gee, wo aagmoolt gsi si.

Mä vermuetet, ass Orvieto (Urbs Vetus = alti Stadt) dr middelalterligi Naame und Standort vo dr etruskische Stadt Velzna (römisch Volsinii) isch, wo äini vo de zwölf Bundesstedt vom etruskische Riich gsi isch. Das isch aber nit sicher.

Velzna isch noch eme Sklaveufstand 264 v. d. Z. vom Marcus Fulvius Flaccus erooberet worde. D Römer häi die Überlääbende zwunge, sich z Volsinii Novi am Bolsenasee niiderzloo, em hütige Bolsena, am ene Blatz, wo mä nid so guet het chönne befestige.

Orvieto isch zitwiis d Residänz vo de Bäbst im Middelalter gsi. Dr Clemens VII. isch 1527 doo aane gflüchdet, nochdäm Rom zerstöört worde isch. 1861 isch de Ort Teil vom neue Königriich Italie worde.

• 
  Dr riisigi Stadtfelse vo Orvieto
• 
  Stadtbild
• 
  D Piazza Repubblica zmitzt i de Altstadt
• 
  De Tempio del Belvedere, en etruskischi Kultstätte
• 
  De Dom, d Kathedrale vom Bistum Orvieto-Todi
• 
  De Brunne Pozzo di San Patrizio mit sinnere dopplete Wendelträppe
• 
  Underirdischi Aalage vo de Etrusker
• 
  Gegeständ im archeologische Museum

• Solini, Marcello: Der Dom von Orvieto. Narni – Terni 1985.
• Stephan Steingräber und Giuseppe M. Della Fina (Hrsg.): Orvieto,. Verlag Philipp von Zabern, Mainz 2010, ISBN 978-3-8053-4072-4.

 Commons: Orvieto – Sammlig vo Multimediadateie

• Abbildig vo dr Stadt 1581 in Civitates orbis terrarum vom Georg Braun (s oobere Bild)
• Homepage vo der Umbrien Travel: Orvieto
• Seenswärts z Orvieto und Umbrie
• Der Dom und Orvieto-underground

1. ↑ Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023. 

Dä Artikel basiert uff ere fräie Übersetzig vu dere Version vum Artikel „Orvieto“ vu de dütsche Wikipedia. E Liste vu de Autore un Versione isch do z finde.