LIMSwiki

Dr Johannes XIV., aigetli Petrus Canepanova, († 20. Augschte 984 z Rom) isch vu 983 bis 984 Papscht gsii.

Är isch Erzchanzler vum Otto II. gsii un ab 966 Bischof vu Pavia. Im Novämber oder aafangs Dezämber 983 isch er Papscht wore. Wu dr Otto im no nämlige Johr gstorben isch, het dr Gegepapscht Bonifatius VII., wu anne 974 uf Byzanz verbannt woren isch, im April 984 retuur chenne chuu uf Rom. Mit dr Hilf vu dr Crescentier het er dr Johannes gfangenee un in dr Ängelsburg yyspeere loo, wun er am 20. Augschte 984 verhungeret isch. Dr Otto III. isch as Chenig unter dr Regäntschaft vu syre Mueter Theophanu Noofolger vu sym verstorbene Vater, em Chaiser Otto II., wore.

Dur e speteri Fählinterpretation vu syre „aktive“ Herrschaft un syre Haftzyt as zwai Pontifikat vu unterschidlige Personen isch er Verwirrig bi dr Zellig vu dr Päpscht mit Name Johannes entstande. Wäge däm isch dr Name Johannes XX. as Korräktur vum vermuetete Fähler nit brucht wore.

Dr Johannes XIV. het sy richtige Name abglait un si ne andere Papschtname gee, wel er si nit as wirdig gnue empfunde het, unter sym Geburtsname Petrus wyter z agiere un si dodermit uf ai Stapfle mit em Aposchtel Petrus z stelle.

 Commons: Johannes XIV. – Sammlig vo Multimediadateie

• Michael Tilly: Johannes XIV. (Papst). In: Biographisch-Bibliographisches Kirchenlexikon (BBKL). Band 3, Herzberg 1992, ISBN 3-88309-035-2, Sp. 212.
• Ytrag in d Catholic Encyclopedia, Robert Appleton Company, New York 1913 (änglisch)

Dä Artikel basiert uff ere fräie Übersetzig vu dere Version vum Artikel „Johannes_XIV._(Papst)“ vu de dütsche Wikipedia. E Liste vu de Autore un Versione isch do z finde.