LIMSwiki

1904
Z Dytsch-Sidweschtafrika chunnt s zum Ufstand vu dr Herero un Nama.

Was isch bassiert?

1. Jänner: Dr Robert Comtesse wird Bundespresidänt vu dr Schwyz.
12. Jänner: Z Dytsch-Sidweschtafrika chunnt s zum Ufstand vu dr Herero. In dr Schlacht am Waterberg am 11. un 12. Augschte wäre d Herero vu dr dytsche Kolonialdruppe gschlaa un flichte no Oschte in d Omaheke, eme Uuslaifer vu dr Kalahari-Wieschti. Dr General Lothar von Trotha wyst syni Druppen aa, d Herero z verfolge un si als furt vu allne Wasserstelle z verdrybe. E Großdail vu dr Gflichtete verdurschtet. S Vorgoh vu dr dytsche Kolonialmacht giltet in dr Wisseschaft as erschte Velkermord im 20. Johrhundert.
8. Februar: Mit eme Iberraschigsaagriff vu Japan uf Port Arthur fangt dr Russisch-Japanisch Chrieg aa.
30. Mai: Grindig vum SC Friburg
1. Juli bis 23. Novämber: III. Olympischi Sppil vu dr Neizyt z St. Louis, Missouri, USA
3. Augschte: Druppe vu dr British Indian Army bsetzen im Tibetfäldzug di tibetisch Hauptstadt Lhasa. Dr Dalai Lama isch us dr Stadt gflichtet.
20. Oktober: Mit eme Friidesverdrag zwische Chile un Bolivie hert dr Salpeterchrieg ändgiltig uf.
8. Novämber: Bi dr Bresidäntschaftswahl in dr USA wird dr Theodore Roosevelt widergwehlt.
3. Dezämber: Vum kalifornische Lick-Observatorium uus entdeckt dr Aschtronom Charles Dillon Perrine d Himalia, dr sechst Mond vum Jupiter.
I dr Nööchi vo Wien goot s Carnuntum-Museum uuf.

Commons: 1904 – Sammlig vo Multimediadateie