LIMSwiki
Inhoud
'n Monograaf (van die Grieks μονογραφία, met γράφειν, "om te skryf") is 'n wetenskaplike boek of verhandeling oor 'n onderwerp of 'n beperkte groep samehangende onderwerpe. Dit is dus 'n gespesialiseerde skryfwerk en uitgebreide bespreking van 'n spesifieke onderwerp of persoon en ryk aan detail, in teenstelling to verwysingswerke,[1] en word oor die algemeen deur slegs een skrywer geskryf. Dit bevat dikwels 'n bibliografie. In 'n monograaf word daarna gestreef om 'n volledige oorsig van die onderwerp aan te bied. 'n Besondere vorm daarvan is die biografie, waarvan een persoon die onderwerp is.
'n Monograaf bevat nie 'n uitgebreide inhoudsopgawe nie aangesien dit nie 'n naslaanwerk is nie. Wel bevat dit, net soos ander wetenskaplike publikasies, notas en 'n literatuurlys, bedoel as verantwoording en bewysmateriaal. In 'n biblioteek is 'n monografie 'n eenmalige publikasie (in een volume of 'n bepaalde aantal volumes) en derhalwe verskil dit van 'n reeks of periodieke publikasie soos tydskrifte, akademiese joernale of koerante.[2] In hierdie eksklusiewe konteks, word boeke soos romans ook as monograwe beskou.
Verwysings
- ↑ Campbell, Robert; Pentz, Ed; Borthwick, Ian (2012). Academic and Professional Publishing. ISBN 978-1-78063-309-1.
Die term '[M]onograaf' het met tyd 'n generiese term geword vir 'n boek wat nie 'n verwysingswerk is nie, primêre materiaal bevat, en wat deur een of meer skrywers geskryf kan word.
- ↑ Harrod, Leonard Montague (2005). Prytherch, Raymond John (red.). Harrod's librarians' glossary and reference book: a directory of over 10,200 terms, organizations, projects and acronyms in the areas of information management, library science, publishing and archive management (10th uitg.). Aldershot, Hampshire, England; Burlington, VT: Ashgate. p. 462. Geargiveer vanaf die oorspronklike op 3 September 2020 – via Online Dictionary for Library and Information Science.
For the purpose of library cataloging, any nonserial publication, complete in one volume or intended to be completed in a finite number of parts issued at regular or irregular intervals, containing a single work or collection of works. Monographs are sometimes published in monographic series and subseries. Compare with book.