LIMSpec Wiki
目錄
閱讀設定
![](https://upload.wikimedia.org/wikipedia/commons/thumb/f/f0/Wikitext-wiki_markup-wikipedia.png/220px-Wikitext-wiki_markup-wikipedia.png)
Wiki係一種喺網上開放、可以畀好多人協同創作嘅超文本系統。 係一種合作性軟件。
有用到Wiki系統嘅網站叫Wiki網站,係人都可以喺呢啲Wiki網站又快又容易咁加、刪走同編輯入面嘅內容,而唔需要學HTML。
唔同嘅語言版本都有唔同嘅內容,由唔同國家嘅人士輸入,並唔係經電腦軟件翻譯。
創立
創辦人:華特·肯寧咸先生(Ward Cuningham)。
維基網頁編輯特殊語法
同普通網頁語法 HTML 唔同。例如喺行Mediawiki 軟件嘅 Wiki 上面:
連結嘅方法
- HTML語法: 廣東人﹑香港人承傳<a href="cantonese.html">廣東話</a>。
- 維基語法: 廣東人﹑香港人承傳[[廣東話]]。
各級標題
- HTML語法: <H1>香港</H1> <H2>九龍</H2> <H3>慈雲山</H3>
- 維基語法:
- ==香港==
- ===九龍===
- ====慈雲山====
公開使用以及唔公開使用
![](https://upload.wikimedia.org/wikipedia/commons/thumb/f/ff/Wikipedia_screenshot_on_Nexus_9_20141121.jpg/220px-Wikipedia_screenshot_on_Nexus_9_20141121.jpg)
- 公開—維基百科。
- 公開—其他公開網站嘅維基系統。
- 局部公開—不同機構內聯網嘅維基系統,用作公司內部由同事將資料文件化,分享資料。唔對外公開。
限制
會員制
維基系統用會員制,而且唔登入嘅人修改維基網頁後電腦IP地址會被紀錄。
原因:
- 為咗盡量減少啲無聊又不負責任破壞維基資料嘅可信性,而需要留身份。
- 為咗鼓勵大家多啲提供內容,會員貢獻係可顯示所有曾參與嘅維基網頁。
規則
各維基系統社區各有規則。
原因:
- 為咗盡量減少有意無意出現嘅錯誤資料。
- 為咗盡量減少惡意刪改。
- 唔同維基系統社區問題同實際需要。
程式
維基系統比較嚴格限制CSS、Javascript 等等。
原因:
維基嘅貢獻
- 俾全球人士免費分享知識同資訊。唔駛因為無錢而只限有昂貴百科全書至有知識同資訊。
- 俾全球人士有個免費平台承傳一些專門知識同資訊。唔駛因為無錢出版書籍/無徒弟/無子女而失傳。
維基嘅問題
- 唔同見解/唔同派別/唔同政治背景/唔同動機人士,有時惡意刪改或互相反復修改部份維基網頁。
- 唔同動機人士,有時惡意破壞網頁內容,甚至用電腦病毒或者其他程式破壞維基系統。
- 唔同國家內容封鎖維基網頁,使其人民無法看到維基網頁。
- 因為任何人士都可以修改維基網頁,而且經常性有人進行修改,可信性會有一定問題。
- 影響傳統紙本百科全書業務。
法律問題
- 分享文字同圖片時可標明邊一種分享。例如共享創意版權條款(Creative Commons)可分成唔同程度分享權。
出面網頁
(英文):