LIMSpec Wiki
მედია ფაილეფი ვიკიპედიას
![](https://upload.wikimedia.org/wikipedia/commons/7/7d/MediaHelp.jpg)
ვიკიპედიაშ კანკალე სტატია აუდიო დო ვიდეო ფაილეფს იკათუანს. ათე ხასჷლაშ ფუნქცია რე გეინწყანჷ ვიკიპედიას დვალირი აუდიო დო ვიდეო ფაილეფიშ ძირაფაშ მეშქაშობეფი.
ვიკიპედიაშ მედია ფაილეფიშ მეგამა დახე არძა პერსონალურ კომპიუტერს რე შილებუანი. მარა, თქვან კომპიუტერს ოხვილური პროგრამა უღჷდას-ოკო. დო თქვანი კომპიუტერი ატე ფაილეფს ვეთმიოგანს ავტომატურო, თიშა გეწკანტაფაშ უკულ-და, ინტერნეტის დვალირი უფასო პროგრამაშ გჷმოჭარუაშ დო დოინსტალირაფაშ უკული, თქვა შეგალებენა თეშ კეთება.
ზოგადო, აუდიო ფაილეფი გჷმირინუანა ვორბისიშ აუდიო ფორმატის, ვიდეო ფაილეფი — ტეორა ვიდეო ფორამტის. თე ფორმატეფი რჩქვანელობურო გჷმორინაფონი ფორმატეფიშ, აუდიო MP3-იშ დო ვიდეო MPEG-იშ, დახე იდენტური რე. გინორთი თის რე, ნამჷ-და Ogg ფორმატეფი ედომუშამო უფასო, ღილე დო უდუპატენტუ რე. მარა, მაიკროსოფტ ვინდოუსიშ ოპერატიულ სისტემეფს ათე ფორმატეფიშ აზარა დუდშე ვაუღჷნა დო თინეფიშ მიოგამალო გეძნელი პროგრამას ოხვილჷნა (ქოძირით გიმე).
კანკალეშა აუდიო ფაილეფი MIDI ფორმატის გჷმირინუანა (.MID დო .MIDI გოფაჩუათ). MIDI ფორმატიშ მეგამა რჩქვანელობურო გეძინელი პროგრამაშ უმუშო შილებე.
ვიდეო დო აუდიო ფორმატეფიშ ვიკიპედიას გიმარინაფონ ფორმატეფშა გინაჸონაფალო ქოძირით ვიკიპედია:მედია.