LIMSpec Wiki
Südäimišt
![](https://upload.wikimedia.org/wikipedia/commons/thumb/5/57/Russia_stamp_2019_%E2%84%96_2463.jpg/150px-Russia_stamp_2019_%E2%84%96_2463.jpg)
![](https://upload.wikimedia.org/wikipedia/commons/thumb/c/c0/Cctld-ru-logo.png/250px-Cctld-ru-logo.png)
.ru om Venäman Internet-domen. Se om avaitud 1994-nden voden 7. päiväl sulakud[1], nece dat oigendase Runetan päiväks.
Venäman ližadomenad oma .рф vspäi 2010 i .рус-domen, kävutase venäkel'žel ühthižkundal mail'madme vspäi 2015. Molembiden domennimed kirjutasoiš kirilližil kirjamil vaiše.
Registracii
Domennimen registracii .ru-zonas om lasktud kahtendel tazopindal, personoile i kompanijoile, sidä kesken verhiš maiš. Vn 2022 vilukus kaik 5,03 mln domennimid oli registriruidud .ru-zonas (4,9 mln oli vn 2015 semendkus). Sen zonan domennimi voib olda latinan kirjamištol vaiše.
Eziauguižešti meletadihe .ru-domenad .su-domenan jäl'ghetulijaks, i registracii jäl'gmäižes oli kel'tud, no om lasktud möst vspäi 2002.
Kahtenden tazopindan domenad
Kahtenden tazopindan reglamentiruidud domenad:
- .ac.ru — tedon i üläopendusen aluzkundad.
- .com.ru — kommertižed organizacijad.
- .edu.ru — opendusen aluzkundad.
- .gov.ru — Venäman tobmuden federaližed organad.
- .int.ru — rahvahidenkeskeižed organizacijad.
- .mil.ru — Venäman azekhad väged.
- .net.ru — otnuded Internetha organizacijad.
- .org.ru — kommertižetomad organizacijad.
- .pp.ru — personad.
Niiden ližaks joga federacijan subjekt om ičezenke kahtenden tazopindan domenanke. Om ičeze sen tazopindan domennimid erasil-se järedoil lidnoil, kudambad ei olgoi subjektan pälidnaks.
Homaičendad
Irdkosketused
- Domenan sait: Internet-verkon nacionaližen domenan koordinacine keskuz (cctld.ru). (ven.) (angl.)
- IANA-informacii (iana.org). (angl.)