LIMSpec Wiki

Wyoming

State of Wyoming (en)
Bandiera Stema
Ino	Wyoming (it)
Bomò	«Equal Rights (en) »
Soranome	Equality State
Epònemo	Wyoming Valley (it)
Pozision
43°00′N 107°30′W43°00′N, 107°30′W (Wyoming)
Stato	Stati Unii de l'Amèrica
Capitałe	Cheyenne
Popołasion
Totałe	576 851 (2020)
Densità	2,28 hab./km²
Caze abitae	233 231 (2020)
Idioma	inglezo
Zeografia
Parte de	Stati Unii contìngui
Àrea	253 348 km²
Àcua	0,74 %[2]
Altitùdene	2 040 m
Ponto pì alto	Pico Gannett (4 207 m)
Ponto pì baso	Belle Fourche
Rente a	Montana   Cołorado   Utah   Nebraska   Dakota del Sud   Idaho
Organizasion pułìtega
Òrgano ezecutivo	Goerno de Wyoming (en)
Òrgano lejislativo	Lejislatura de Wyoming
Goernador del Wyoming	Mark Gordon (it) (7 de zenaro del 2019)
Màsema autorità zudisiałe	Wyoming Supreme Court (en)
Còdazi de identifegasion
ISO 3166-2	US-WY
Fuzo oràrio	UTC-7 Oràrio de ła Montagna Amèrica/Denver
ID GNIS	1779807
Istòrego
← Territorio del Wyoming (it)
Sito web	wyoming.gov

El Wyoming el ze un stato osidentałe dei Stati Unii d'Amèrica, situà verso nord de łe Montagne Rocioze. La so capitałe ła ze Cheyenne. Co 493.782 abitanti, el ze el stato manco popołà dei Stati Unii.

El confina verso nord col Montana; South Dakota e Nebraska verso est; Cołorado verso sud; Utah inte el so àngoło sud-òvest e Idaho inte el resto de l'òvest.

Inte el nord-òvest del stato se ghe cata i parchi nasionałi de Yellowstone e Grand Teton.

Nel 2005 il Wyoming el ghea na popołasion stimada de 509.294 abitanti, co un'incremento de 3.407 individui (0,7% del totałe) rispetto a l'ano presedente e na crésita de 15.512 abitanti (3,1%) rispeto al 2000. Ste stime łe tien conto de la crésita naturale rispeto a l'ultimo censimento de 12.165 persone (33.704 nasesti e 21.539 morti) e un incremento par via de l'imigrasion de 4.035 persone. Inte el 2004 la popolasion nasesta fora del Wyoming ła zera de 11.000 persone (2,2% del totale).^[4]

Le sità del Wyoming co pì de 10.000 abitanti in órdine desendente:

• Cheyenne 63 957 ab.
• Casper 55 316 ab.
• Gillette 31 971 ab.
• Laramie 30 816 ab.
• Rock Springs 23 036 ab.
• Sheridan 17 916 ab.
• Green River 12 515 ab.
• Evanston 12 359 ab.

I abitanti del Stato i ze:

• 88,9% bianchi
• 6,4% ispàneghi
• 2,3% nativi americani
• 0,8% neri
• 0,6% aziàteghi
• 1,8% de etnia smisiada

I pì grandi grupi nasionałi in Wyoming i ze: todesco (25,9%), ingleze (15,9%), irlandeze (13,3%), statunitense (6,5%) e norvejeze (4,3%).

Partindo dal censimento dei Stati Unii del 2000, ghe zera 15.381 nativi americani notai (o sia 3,1%). Le tribù prinsipałi łe zera i Arapaho (4,285), Shoshoni (3,296), Cherokees (1.263), Sioux (1,153), Chipewa (378), navajo (360), Cheyenne (289), Crow (236), Blackfoot (220) e Apache (202).

El Wyoming el ze sta ametesto cofà Stato drento de l'Union inte el 10 de lujo del 1890 cofà 44º stato. El ze sta ciamà cusita in onor de ła Wyoming Valley in Pennsylvania. Inte el 1869 el ze devegnesto el primo stato dei Stati Unii a stabiłir el "sufrajo conpagno" nisuna difarensa de zènare intrà òmani e fémane, siben-ché ómani e fémane de cołore no i podese votare.

El Wyoming el ze uno dei trè stati che i ga i confini che i ze parte de meridiani e parałełi, insieme a Utah e Colorado.

Inte el Wyoming łe se reunise łe rejon de łe Grande Pianure co łe Montagne Rocioze. In magnera sintètega se połe dir che el stato el ze un grando altopian traversà da vàrie cadene montagnoze: verso nord-ovest ghe ze Absaroka, Owl Creek, Gros Ventre, Wind River e Teton inte el sentro-nord, łe Montagne Big Horn; inte el nordest, łe Black Hills; e inte ła rejon meridionałe, łe montagne Laramie, Medicine Bow e Caena Mare.

La cadena montagnoza inevada inte l'àrea sentro-meridionałe ła ze un'estension de łe Montagne Rocioze del Colorado, sia zeołozegamente che in aparensa. La Wind River Ranse, inte el sentro-ovest, ła ze ła pì distante e ła conprende el Ganet Peak (4207 m), ła sima pì alta del stato. Le Big Horn, inte l'àrea sentro-setentrionałe, łe ze separae da ła masa montagnoza de łe Montagne Rocioze.

La catena montagnoza del Teton, verso nord-ovest, ła se slarga par sirca 80 km e ła raprezenta ła sesion montagnoza pì inponente del stato. Ła ze invese el Grand Teton ła seconda sima pì alta del Wyoming e del Parco Nasionałe del Grand Teton, che el detien drento ła sesion pì apresàbiłe de ła catena montagnoza.

El Wyoming el ze un stato àrido; ła major parte del teren ła ciapa manco de 10 pòłezi de àcua piovana a l'ano, motivasion par ła cuała el teren no el ze bon par l'agricoltura. I bovini i ze arłevai sora de tuto arente de łe zone montagnoze. Fiumi che i parte e che i finise drento del stato i ze el Snake River, che co i so 1.735Km el ze el fiume pì longo del stato, el Green River e el North Platte. El Lago Yellowstone e ze el lago pì grando del Stato.

• Wikimedia Commons el detien imàjini o altri file so Wyoming
• Scholia el detien schemi gràfeghi so Wyoming

• (inglezo) Sito ufisałewyoming.gov. Sconosesta: inglezo (juto)
• WyomingTreccani.it – Enciclopedie on line, Istituto de ła Ençiclopedia Italiana.
• Piero Landini, Henry Furst, WYOMING, in Ençiclopedia Italiana, Istituto de ła Ençiclopedia Italiana, 1937.
• Wyoming, in Disionàrio de istòria, Istituto de ła Ençiclopedia Italiana, 2010.
• (EN) Gregory Lewis McNamee e Gerald Raymond Webster, WyomingEnçiclopedia Britannica, Encyclopædia Britannica, Inc.
• (EN) Wyoming, in Catholic Encyclopedia, Robert Appleton Company.
• (EN) WyomingGeographic Names Information System, USGS.